ياحبيبي والحكي فيني يطول
من حدود الصمت إلى بوح الكلام
لا تقول اللي تغشاني فضول
لا وربي يا بعد روحي غرام
ياربيع العمر ياأحلى الفصول
ياصدى صوت المحبه والهيام
ساكنٍ في وسط قلبي بالاصول
وين ما حليت لك فيني مقام
يعجز التعبير فيني لو أقول
لو وصفت الحب في راعي الوشام
أنت عندي المشكله وانت الحلول
وانت نور الصبح في وسط الظلام
وانت قصة حب في قلبي تطول
أغنية عاشق يغنيّها الحمام
والحقيقه ساهر ٍ ليلي واجول
ما عرفت ارتاح أو حتى أنام
لك محاني القلب أجبال وسهول
ومنزلك بالروح مرقاب و خيام
يا مطر عمري ويا فصل الهطول
وفرحة أيامي وعيدي كل عام
بعد ما كانت حياتي في ذبول
بعد ما كانت حياتي بلا نظام
صرت لي كل الوسائل والحلول
صرت لي رمز المحبة والسلام
امتلكت القلب في حالة ذهول
ونلت تقدير العواطف باحترام
لو يزول الكون كله لو يزول
لو يموت القلب لو يصبح حطام
الغلا في داخلي عرض ٍ وطول
يعدل أحساسي وآحاسيس الانام
