لو بديت المحبه بين وصل وغلا
............. الغلا غيمه الاحساس والوصل سيل
لو عرفت الوفا ما انكرت كلمه هلا
............. يا كريم المشاعر ما هقيتك بخيل
يوم جتك المشاعر تنحليلك ولا
............. ماقبلت المشاعر والمشاعر دليل
ليت ما انكرتني قدام كل الملا
............. يوم جيتك من صدوف الليالي دخيل
ليه ذوقتني مرك وكلك حلا
............. ليه تحرم ظما العاشق من السلسبيل
الغلا حل بأرضك لين صد وجلا
............. ما لقابك ظلال ولا لقابك مقيل
في غيابك رخصت الدمع لين أمتلا
............. جو فرقاك حزن ودبك خيل وصهيل
ليه ياورق نحت وخافقي ما سلا
............. وانت لو تلمس أحساسي دموعك تسيل
ولا أنا من (تفارقنا) أصيح بخلا
............. (ياجميل الملامح وين رد الجميل)...!
للشاعر : احمد المجاحمه
