انا خوي الذيب

البارحه مامسيت من عويت الذيـب ذيب ٍ قنب في راس رجم معروفي

ذيب ٍ على المرقاب وأوحي له قنيب مافيه جوع ولادخـل فيـه خوفـي

يشكى زمان ٍ ضام عكف الاشانيب زبن الذي جارت عليه الظروفـي

اللي تجمل فـي قريـب واجانيـب هذي صحيح ارجال توعد وتوفـي

اليا طرو هليت صـدق التراحيـب ترحيبة ٍ مـن خاطـرن مايعوفـي

اقولهـا للقـرم واهـل المواجيـب يامرحبا فـي ربعنـا والضيوفـي

اهل النظر والفكر تهـدى مكاتيـب ابيات شعر ٍ من دهات الحروفـي

اركب المعنى على القاف تركيـب واللـي اعـده مايعـد امحسوفـي

اناظر امن يمين وأشوفلـي مهيـب واناظر بذولاك وارجـع بشوفـي

للشعـر نغمـات ٍ وللهرج لعيـب والربع صفين ٍ جلـوس ٍ وقوفـي

للصدق تصديق ٍ وللكـذب تانيـب وللنـاس نيـات ٍ وللعهـد موفـي

شلت السيوف المرهفات المحاديـب الوقت وقتي والصعيـب امعسوفـي

انا خوي الذيب وليا عـوى اجيـب اغزي على قوم ٍ عليهـا يحوفـي

اللي على نقل السوالـف مناديـب نـاس ٍ عساهـا للفنـى والذلوفـي

واختامها ياذيب تقـراء المكاتيـب ابيات شعر ٍ من دهات الحروفـي

من فضل ربي عالم السر والغيـب جبت القصيد وصفقـي يالكفوفـي

كَلمَأت جميَله , أبَدعتَ بِ أنتَقأئك لِ نصَك الفَأخَر , بَ أنتَظأر مَزيَداُ منْ تَألقَك .,’ لك أرقْ تَحييييه ’,

اقتباس:

---

المشاركة الأصلية كتبت بواسطة عطر الاحساس

كَلمَأت جميَله , أبَدعتَ بِ أنتَقأئك لِ نصَك الفَأخَر , بَ أنتَظأر مَزيَداُ منْ تَألقَك .,’ لك أرقْ تَحييييه ’,

---

http://l.yimg.com/lo/api/res/1.2/mrg....com/kjDj1.gif

إنتقـــــــاء رائــــــع أخـــــــي
كل الشكــــر لرقـــي ذائقتــــك

،




قصيدههَ جميله ;
كُل آلششكرْ عَ آلأنتِقآء
يعطيكِ آلله آلععآفيهً :) !