يابنـت ياللـي ماستـر راسـك الـشـال

يابنـت ياللـي ماستـر راسـك الـشـال
وبزعمـك انــك مــن كـبـار العـوايـل

أنــا بـقــول الـحــق والـحــق يـنـقـال
الـلـي تـسـتـر هـــي بـنــت الحـمـايـل

ماهـو فـي كشخـه وخاتـم وسلـسـال
الـسـتــر لـعـيــال الـحـمـايـل دلايــــل

مـاهـو بـذنـبـي ماعرفتـيـلـك رجـــال
ذنــب الـزمـن خــلا النشـامـا قـلايــل

ولانـي بــلا رجـعـي ولا جـيـت خـيـال
ولا شايـلـن سيـفـي وصـايـل وجـايـل

إنـسـان متعـلـم ومــن نــاس عـقــال
وفتحـت عـن نهـج الحضـارات فايـل

أنــا حـضـري مـانـي بـنـازل ورحــال
لــو أن ربـعـي بـيـن ضلـعـان حـايــل

وأنــام فــي بـيــت ومـكـيـف جـنــرال
وأســوق سـيـاره وعـنــدي مـوبـايـل

تـرا البـداوه فـعـل مـاهـي بالاشـكـال
والسـلـم مانـرضـى عـلـيـه الـبـدايـل

وتبعـت سلـم العـود وأصبحـت وبــال
ونقيـت لـي مــن الــذود دق وجـلايـل

الطيـب لاأهـل الطيـب يبقـاء ولا زال
وأعرف سلوم الطيـب والشـك زايـل

ولا شفت انا عقال السناعيـس ميـال
غصـب عليـه عقـال راســي يتمـايـل

السـالـفـه مـاهــي بتميـيـلـت عـقــال
السـالـفـه دمٍ بـهــا الــعــرق ســايــل

يـابـنـت دام الـــدم بـعـروقـنـا ســــال
كـلٍ علـى عقـلـه مــن الفـكـر شـايـل

لـكـن لــو قـلـت لــي الـمـهـر بـريــال
والله فـــلا أعـنــز عـلـيـك الـسـلايــل !

يابنـت لــو قلـتـي لــي المـهـر بـريـال
والله فـــلا اعـنــز عـلـيـك الـسـلايــل

والله لااخطب اللي على راسها جلال
لــو كـــان مطلـبـهـا ثمـانـيـن حـايــل

انــا لـيـا مـنـي خطـبـت أبـغـي عـيـال
أبــي العـيـال الـلـي تـشـيـل الثـقـايـل

وليـا خطـبـت أخـتـار لعيـالـي الـخـال
والديـن عـنـدي هــو سـيـد الفضـايـل

قـالــت قـســم بالله مـاشـفـت رجـــال
مثلـك بـغـى حـجـر السنـيـن الاوايــل

قلت الصحيح يصح لـو مـرت أجيـال
ركـب الكدايـش غيـر ركـب الاصايـل

الله عليكك الله
نص جدآ رآئع ومميز
آلف شكر لكك ع آلطرح آخي زهآام


نص يستحق آلنجوم آلخمس*

كَلمَأت جميَله ,
أبَدعتَ بِ أنتَقأئك لِ نصَك الفَأخَر ,
بَ أنتَظأر مَزيَداُ منْ تَألقَك .,’
لك أرقْ تَحييييه ’,