شَيّ منْ طـينَ \ لـ هآني آلفرحآن !

مسآكم شععر :) ،

\


تعبت .. وصرختي خلف الكلام اموات
نبشت الوقت لجل ادفن بي اوجاعي

أشوف إن المـلامح هي مرايـا الذات
وأنا الأموات في وجهي و انا الناعي

كثيـر ألقى على صمتي أثر آهــات
كثير اشبه ولا تشبهني أوضاعي

أفوق من الشعر “سكره” واجي سكرات
على هيئة تفاصيلي و أطباعي

أصير من الحكي “صبح” وسراب أوقات
كذا الذكرى.. وانا النسيان خداعي

بقى حلـمٍ يوديني و دمعـة جــات
وجـا حلــمٍ يبكيني وبقى قاعي

زرعت .. ولا جنيت إلا السهر لـذّات
سهرت .. ولاغفيت إلا عن أطماعي

أنا وشلون اسامحني .. و انا بالذات
كسرت بخاطر إنساني و بذراعي

والفقـد يتعـرج علـى طيـن وسمـا
تتلحف القهـوة مـن البـرد اليديـن

رميت صوتـي لانـي اشعـر بالظمـا
غنيت ليـن المغفـرة “لـو تسمعيـن"

الذاكــرة : ظــل الزمــان../ وكلـمـا
لفحنــي البــعــد اتفـيــا بـالحنــيــن

سويت لي عصفور بـال مـن الومـا
”ياطير ياطايـر” كـذا شكلـك حزيـن

الحزن وجه البـرد.. والبـرد العمـى
والدرب عتمـة وآخـرة قنديــل تيـن

والقرية بيوت الحجـر “لـوز الحمـى”
ياغنايـة الطيـش وبيـــاض الغافليـن

جيتـك معـا الغيـم وتراتيـل الدمـا
واحتجت وجد أكثر من الوجـد اللعيـن

الغفله اللي خلـف هالساعـات .. مـا
و الساعه اللي خلفها الأبـواب طيـن

والليل ماهو جفنـي اللـي ماهمـا..!!
سجـادة الحبـر وصـــلاة الغايبـيـن

طفل الخشوع اللي على اوراقـي نمـا
ملامحـه أكبـر كثيـر مـن السنيـن

و”ياطيـر ياطايـر” إذا مالـك سـمـا
”مافيـك تحكـي” والحبايـب راحليـن

”لو فيك تحكـي للحبايـب” كـان مـا
”غنيت ع اطراف الدني”لو تسمعين

دخلت هذا الليــل من بــابه الطين
قبّلت ( كـف البـرد ) لا يقـفل البـاب

هذي عناويني مجرد عنا / وين ؟!
مـا لاحت الذكرى و غنّوا لـي احباب

يا .. جنّة التفاح و .. غناية التين !
من لوزة الوادي إلى عـروش الأعناب

في القرية الخضرا على ذمة البين
زينت لي : طـرقٍ له عروق و أهداب
يا احبابنا الغيّاب طيّب .. وبعدين ؟
بعدين يا طيّب .. و اذا غاب من غاب !

كف العتيم تلملم السهد في العين
و تضيق في عيني على سهد و عتاب

و لو إني أوجس للقصيدة شرايين
قطعت عرق و سالت دروب الأغراب

مثل الخريف اللي قطع قلب تشرين
الصمت : أصفر , و أخضر البوح : كذاب

كرسي ./
.
.
.
كرسي .. و انا من يونس الظل بالنور
بـاقي اليبـاس اللي تـرامى ظــلالي

وحدي .. ملتني وحشة الغرفة شعور
حتـى غديت أحـس مـاني لـحــالي

شباك يفتح لي على الصمت منذور
من كثر ما اوفي له بحزنه وفا لي

وجهي من اول فرحة العمر مهجور
صدري من آخر من سكن فيه خالي

/
دخلت هذا الليــل من بــابه الطين
قبّلت كـف البـرد لا يقـفل البـاب ../

هذي عناويني مجرد عنا / وين؟!
مـا لاحت الذكرى و غنّوا لـي احبـاب

يا جنّة التفاح و غناية التين
من لوزة الوادي إلى عـروش الأعنـاب

في القرية الخضرا على ذمة البين
زينت لـي طـرقٍ لـه عروق و أهـداب

يا احبابنا الغيّاب ..طيّب وبعدين؟!
بعدين يا طيّب .. واذا غاب من غـاب ؟!

كف العتيم تلملم السهد في العين
و تضيق في عيني على سهد و عتـاب

ولو إني أوجس للقصيدة شرايين
قطعت عرق و سـالت دروب الأغـراب

مثل الخريف اللي قطع قلب تشرين
الصمت أصفر و أخضر البـوح كـذاب
.
/

بعد الحكي



بعد الحكي رمّد سحاب المتاعيس
قبل انفتح لي فـ أصدق الدمع مشوار

لو تحمل ذنوبي متون الهواجيس
ما كبرت جروحي و لا طاحت أعذار
.
/

ميَّل ../


لما تشوف الظل في صدرك يميل
لا تلعن الضوء الغبي .. أوقـد ســراج

الحزن حاجة و الأرق سـدرة الليل
ماني حزين .. أكثر من الحزن .. محتاج

وجهي بـريء و جرحتـه المواويل
وغيري جرح وجهه ولا حس بإحـراج
.
.
.
/

بكاء


سالــت فـي قــاع الطهر دمعه بـــ”لا عيـــن ”
واصابع الســـاعة في وجـــه أمـس شـــاحت

قبـل الـزمـن .. عنـد الأمل و الهوى تيــن!!
كـان المكــان “ظنــون” و اشيـــاء طــاحت

أشيـــاء .. “لا أدري لمــاذا..؟ ومن أيـن..؟”
كــذا..! أتت فجأه..! ومع الــوقــت راحت

ويا وين ..؟ لا تسأل و انا “صـاحب الطيـن”
و ارواحنا في الدرب بـ”الصمت فـاحت”.!

شفـني ..! سقيـت الرمل “رحـلـة” و رجلين
ولا نبــت غــيــري؟! .. ولا الأرض نـــاحت..

و “الـشمـــعــه” اللـي مــا تــدل العنـــاويـن!!
على عمــاهـا .. في عمى الـيـاس ســاحت

والليل .. كـتّــف لـلـظـمـــا قلـــب و ايدين
تـقـتـادهــا “نجـمـــة” ورا البــــال لاحت!!

تسبقني دروبي واجي لـ أمس .. بعدين.؟!
والقاني “قبل شوي”..! و الشمس نـاحِت

يرسمني الظـل “الحقيقة” و انا..! مين .؟
لا قـفّـت ظــلالي “بـدوني” و صــاحت.!

ظل …/


وجه الكلام ابيض ولو كان به حزن
هذي الحروف اوفى من الحزن فيها

فوقي سحـابة لو بكت سيّلت مـزن
و تحتي مـدينة بالعطش تحتريـها

سفر …/

.
.
كم يطلع الصـبـح من زوادة الحنطة
والليل هذا كثيــر وصوتي اسراري

قبل الملابس تنام فـ قلب هالـ شنطة
بـودعك والتقي فـ وداعك اسـفاري
.
.
/

أكتب صمت …/
.
.
.
سفر .. لا وقف بأرض الحنين و خانه التلويح
قرا الباقي من أحبابه و شدّ الذاكـرة ترحـال

هنا للبرد ميعاده و لأغصـان الزمـن تلميح
و لي صوتٍ من أوراق الخريف يمرني مـوال

أنا آخر حلم في عمري بقالي ما محته الريح
على بالي كـلامٍ أجهله ما قـد خطـر في بـال

أحس إني أبكتب صمت دام إن الكلام شحيح
و أحس الصمت ما يكفي ولا يغني على اية حال

صحى بوحٍ على طارف لساني يشبه التجريح
أخاف أحكيه يتعبني و أخاف إن ما حكيت أنثال

عتب يتعثر بفمي و إذا قـام العتاب آطيـح
تميـل السـدرة الخضرا و يبقى ظلها ما مـال

زمـان الحزن ما مرت ليالي عتمها تسبيح
قبـل ما تيبس عروق النهـار و ضيها ما زال

أنا للبرد في طي الحنين و نيـة التلويـح
من بيبقى من أحبابي إذا حان الرحيل و طال ؟!
.
.
.
.
/

رماد الكتابة …/
.
.
/
.
.
جف الحكي في ديرة الصمت والغي
طـاح القلم ينفض رماد الكتابة

مـا يضحك الشباك في حفلة الفي
وانا على كفي ضريح السحابة

كم حي ياميّت.؟! وكم مات ياحي.؟!
هذا السؤال اللي تبيه الإجابة

العمر حـلـم إنسان ما يشبه المي
إلا بلونه والبـلل و اضطرابه

بينه وبين النـاس مايخنق الضي
أشياء من كثر القلق والرتابة

والصـابر اللي لازرع ماجنى شي
لا يشتكي جدب الزمن في ترابه
.
.

مين . . /
.
.
.
.

أنتم مين ؟!

/

أنا من باقي الأحباب

حنين و طيـــن . . /
.
.

أنا اللي ما كتب صوته

و بعد مرت كثير سنين

قروه النـاس في موته

و جيتوا أغنية مقفين !

و أنا باقي حنين و طين

و أبسألكم ؟!

/

أنا من باقي الأحباب

إنتم مين ؟!

.
.

/

أنا عندي حنين . . /

.
.

يرّف الصبح عصفور الحنين / و يرتعش بي غي
و أنا في خاطري حاجه و صبح آخـر على لساني

عرفت اكتب على الما حلم بَ أقلام القلق و الضي
و لا واحـد من | أحبـابي | عرف يحلم و يـقـراني

أمرّ غصونهم جردا / يبــاس و لا عليهـا شي
و أنا نفس الطيور اللي على أغصاني على أغصاني

صباحٍ كل ما مريت زحمة مـدرسه في الحي
حنيـنٍ مـا عرفت لـ مين ؟! مرّ و مـا تعداني

أنـا ذاك الزمـان / اللي بقى بين الحنايـا حي
نسيت أنسى و أخـاف إني متى ما أتذكر أنساني

بقى لَ الشمس في طيني شقوق و لَ السنـابل فيّ
سمـار القمح في ظـاهر يديني / يشبه أحـزاني

و أحس إني متى ما اكتب عن جروحي تتوه إيدّي
و أضيع / و كن ما غيري إذا ما ضعت يلقـاني

أقلّب صمتي البـاقي على صوتي يفز المي
و يجي في صفحته وجـهٍ من النسيـان يقراني

.
.

/

عتب . . /

.
.

وجهك المنفي على أوراقك تعـب

صمتك المبحـوح / لا عز الكـلام

ليتني مـا قلت لك طـاح الحطب

لاجل يبقى عذر لا احتجت الملام

الكتـابه حـلـم / و الواقع صعب !

ودي أكتب شي في صدري و أنام

من زمـان الغصن / يملاني العتب

لين ما باقي غصون و لا حمـام

يا عروق الريـح / حنجرتي قصب

نـاي الأيام / و مواويل الظـلام

ودي أكتب بعض حزني ما انكتب

إن لقيت الحزن ضيّعت الكلام !!

و خلصصت :):)’

هلا فيك الشيخه ..
الله عليك الله وعلى انتقاءاتك للمفرده الراقيه والعذبه
الف شكر لإبداع ذائقتك وجهدك وتفاعلك الجميل .. كلك ذووق
( نص يستحق النجوم الخمس)

صباح الابداع الشيخه
الله عليك اختيارات جميله
كلك ذووووق


# همسه مبروك عودة معرفك وخليك عليه احسن :o#

آنتقاء رائع
يعطيك العافية،،

الشيخة "المبدعة"



اختيارات في قمة الجمال
وذاااائقة من الطراز المااااسي



سلمت يداك المبدعة وذوقك الراقي

سلمت يمناج يالغلا اختيار متميز وربي يعطيج العافيه