منْ تِمنىّ يِكبّر بها الوُقتْ غَاديْ !
الوُقتْ , تِمنىّ , يِكبّر , غَاديْ
منْ تِمنىّ يِكبّر بها الوُقتْ غَاديْ !
.
ياعيون العيد رديني صغيرة
ماابي اكبر واشوف العيد عادي
كيف كانت لي تفاصيله كبيرة
كلها كانت جميلة باعتقادي
ريحة الحنة لها بالقلب سيرة
كفي المنقوش هو غاية مرادي
كنت احس اني بفستاني اميرة
والقمر وجهي ومنه النور بادي
والفرح بالعيد يسكن كل ديرة
عامرٍ بين الحضر ولا البوادي
يوم كنا نطرق ابواب العشيرة
والحلا له طعم ماكان عتيادي
من جمع اكثر انا ولا سميرة
كل مازاد الفرح بالقلب زادي
بي صغيره في طفولتها اسيرة
يوم صبح العيد في قلبي تنادي
والبخور وخطوة أمي تستثيرة
وبشت ابوي الحالكٍ فيه السوادي
اه ياعطرٍ تجاذبني عبيرة
اه ياوقت ٍ بدا منه امتدادي
كن هالحاضر صرخ بالقلب غيرة
ماقدر ياخذ من الماضي ودادي
ياصغيرة ليتني مثلك صغيرة
من تمنى يكبر بهالوقت غادي
