شفتك بعد غيبه وحاولت احاكيك

شفتك بعد غيبه .. وحاولت احاكيـك
مهوب من قلبي ولا مـن جراتـه !!

بغيت اقول / فلان وازريـت اناديـك
وكني سمعت اسمـي معـا لالتفاتـه !!

فزيت من نومي وانا اقـول لبيييـك
وآثرك رؤيا .. فـي منامـي وجاتـه !!

صفقت كف .. وقلت يا حلم يشوويك
جددت لي جرح ٍ هنـى فـي مباتـه !!

يا اللي شريت البعد .. ما غاب طاريك
حتى لو ان البعد .. سـوى سواتـه !!

مهوب محزني .. على حاجـةٍ فيـك
إلا إن قلبي شايـف ٍ بـك غناتـه !!

كن الطيوف تقـول وشحـال غاليـك
وآقول راح .. وما بقـى الا غلاتـه !!

لو ان ما جانـي مـن الهـم ياتيـك
كان المصلي ما حفـظ وش صلاتـه !!

مريت شارعكم .. وصادفنـي أخيـك
واللي قطع كبدي .. حلاتـك حلاتـه !!

بغيت اللخبط من دعايـاه ,, وادعيـك
واسمك وقف بين اللسان ولهاتـه !!

وبغيت اجيب العيد وآقول : يرضيـك
فاللي وصاتي له .. وضيّـع وصاتـه !!

البعد شيّـب خافـق ٍ ميـت فيـك
والى مشى خطوه عثر فـي عصاتـه !!

مشكلتي / إن قلبـي يحبـك ويغليـك
ومشكلتك / انك شخص عايش حياته !!

كثر الجفا .. نار .. وحطبها تغليييـك
خف الحطب .. لا تزيد نار الشماتـه !!

إن ما احزنك جرح ٍ برجـواه يدعيـك
ما عاد تفرق .. عيشته مـن مماتـه !!

قلبي وعمري .. كلهـا بيـن اياديـك
العمر فدوه .. لكن القلـب هاتـه !!

وإن ما بغيت ترد قلبي مـا اوصيـك
احسن عزاه .. الـى دريـت بوفاتـه!!

انتقاء رائع

يعطيكِ العافيه

كَلمَأت جميَله ,
أبَدعتَ بِ أنتَقأئك لِ نصَك الفَأخَر ,
بَ أنتَظأر مَزيَداُ منْ تَألقَك .,’
لك أرقْ تَحييييه ’,

هلا فيك مجنونك ..
نص كالعاده ولا اروع واجمل الله عليك الله
الف شكر لجهدك واختيارك وتفاعلك الجميل .. كلك ذووق
( نص يستحق النجوم الخمس)