رحلتي ..
ومآ تركتيْ إلا السنين الذابله قدام
مع الأحلام
وسهر فوق العيون اللي حَكَت لك عن مدى حبي
وموعد باهت ومكسور
وصوره من حنين آخر
وجع شاعر
سكوت واكتفاءات وشقى وحرمان
وآخر يوم يجمعنا
وموادعنا .. وتوادعنا
وبقايا من بككى يحكي مدامعنا
نسيت الشمعدان اللي حمل آخر أمل
طفى ، وتجمّعت : عتمه
نوت أنها تفرّقنا ..
وتفارقنا
وانا أحكي مواجعنا
واذكر :
وش حصل ؟
وش كان يملي كل مسامعنا ؟
وش اللي كان يسمعنا ؟
أمانينا ..
سفينه فـ البحر ، ما تمتلك مينا
فتات أحلامنا
قصه ( كتبناها أنا وإنتي )
ولآ ندري عواقبها ،
وهذا اليوم يحكيها الزمن للناس ..
للشارع ..
لـ مطرح !!
لـ احتضار أشياء ما زالت تعانقنا
لـ موعد كان يجمعنا
بكى لحظة مفارقنا
لمن أشكي ؟
لـ دفتر ملّ يسمعني ؟
لذكرى شآلها متني ؟
أو أحكي لـ الفراق .. ويضحك لـ ضعفي ؟
أو أتمالك سكوتي والحزن متمسك بـ صدري
ولآ أدري ..
عن اللي ينتظر حتفي
وقبل لا تلمحي ظهري
أبحكي لك وجع شلته على كبري :
خسرتك .. والرياح المنهكه تنثر أمانينا
عجزت أجمع بقايا ما بقى واحكي عن غيآبك
كتبتك لـ الزمن ( موعد ) يلملم كل ما فينا
وقريتك لـ العمر ( غربه ) اعلّقها على بابك
لشاعر / أحمد المغربى
http://i41.servimg.com/u/f41/11/21/19/15/10610.jpg
