انا لو ماتذكرتك غلا .. جاب الغلا طاريك
أبد والله .. سمعت بطاري عيونك وجيت اغليك
يـقـول القـلـب سلـمـلـي عـلـيـه ويـطـلـب وصـالــك
حبيـبـي وش تـقـول بعـاشـق قـصـة غـرامـه فـيــك ؟
نسـى الدنيـا ومـن فيهـا وجـا ينشـد عــن احـوالـك
حبيبـي جـيـت لمصـافـح مواعـيـد الـفـرح بيـديـك
وجيـت اعـطـي يميـنـك حــب ماتدريـبـه شمـالـك
اشوفك واسمعك قبـل اعرفـك واشتاقلـك وابيـك
واحـس آمـال عـمـري مــن عرفـتـك تشـبـه امـالـك
انـا ماعشـت قبـل اعيـش بحساسـك وقبـل اجـيـك
حبـيـبـي جـيـتـك بـقـلـبـي ولوماجـيـتـلـك جــالــك
احاسـيـي كريـمـه وانـــت تسـتـاهـل كـــرم غـالـيـك
ترى لوماشرقت شمسك وصل رحت اتبع ظلالك
يـقـولـون الـعــرب "داربـــلا مغـلـيـك ماتـغـيـريـك "
واقــول انــك بلـيـا الـلـي تـحـبـه عـايــش لـحـالـك
دريـت ان الغـلا مثـل القـدر يرضـيـك لــو يبكـيـك
ولايـنـفـعــك بـعــلــوم الــغـــلا عــمـــك ولاخـــالـــك
مابيـن الحلـم والواقـع يصيبـك حـظـي ويخطـيـك
مـتـى تصـبـح نصـيـب الــي وقــف بآمـالـه اقـبـالـك
ولاتزعـل مـن اللـي لازعـل مـنـك رجــع يرضـيـك
ولاتــطــري كــــلام الـبــعــد فـــــال الله ولافــالـــك
انــا لــو ماتذكـرتـك غــلا .. جــاب الـغـلا طـاريــك
تعـيـش وتسـلـم لقـلـب عـلــى كـــف الـغــلا شـالــك
اطالـع وجـهـك المـشـرق امــل وعيـونـي تنـاديـك
واقــــــول الله ثــــــم الله لايـحــرمــنــي وصـــالــــك
