(((( بدري حبيبي توه الجرح ما طـاب ))))

بدري حبيبي توه الجرح ما طـاب
زيد همومي واجرح واتركني


سيف ركزته وسط قلبي ولاهـاب
كمل جميلك اطعن اليـوم عينـي



مابي عيوني تشتكي جور الأهداب
ولاأبي احد غيري يـداوي انينـي


ماقد طلبتك بس انا اليوم طـلاّب
وابي على كثر الرمـل تكرهنـي


لأني كرهتك صدق ولانيب لعّاب
صعبه على مثلي خيانـة حنينـي



ياما جرحتني يالغلا بـلا اسبـاب
وهالمره عاد اقـول لا تحترينـي


لاتحتري قلب شكى الضيم منصاب
تعب يذوق من القهر مـا يجينـي


جرح الكرامه ماهوب جرح كذاب
عند الكرامه ابيع حتـى ضنينـي


عودت انا نفسي على جلد وعطاب
لامن قصرت يمناي بقطع يدينـي !!


نفسي عزيزة لو هو العشق غلاب
ماهنت انا نفسي وتشهـد يمينـي


قلتـ لي انسيني وانا اقـول بتـراب
بتراب ابيعـك دام بعت سنينـي


خلاص روح لعنبو قلب ما تاب
روح لهوى غيري وغيرك يبيني


الحين روح بقفل بعـدك البـاب
ابكي على نفسك وبعديـن ابّكينـي

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً :) !

الله عليك اخي لاند انتقاء متميز
العنوان وحده حكاية ..

اختيار جميل ...

يعطيك العافية

.
.



لاند ..
كلماآت جميلةة / ذوقٌ راآقي
اسعدكـ الرحمن ~

هلا فيك لاند ..
نص واختيار جدا رائع
الف شكر لرقي ذائقتك واختيارك الجميل .. كلك ذوووق

نص جميل لاند رغم قساوة بعض الكلمات
يعطيك ربي العافيه

سلمت يمناك اخوي اختيار متميز
ربي يعطيك العافيه

شكري لكل من مر اضاء وعطرالطرح بمروره العطر تسلمون ياذوووق ويعطيكم الف عافيه على المرور الرائع