تسجيل دخول
سجلت في قلبي دخولك على طول
..... وغنت جروح القلب فيكم نشيده
كلمة المرور
وكلمة مرورك جابها منك مرسول
.... وبدلتها وارسلت كلمه جديده
ملـــــــــف
واصبح ملفك داخل القلب معزول
... وحفظت به من دم قلبي قصيده
تحــــــريـــــر
وسويت لك تحرير عن كل مجهول
... متوسط ٍ بين الخفوق وّريده
عـــــــــرض
وقدمت لك عرض ٍ من القلب منقول
... لأجل أثبت انك بالضماير وحيده
المفضــــــــله
وبمفضلة قلبي عن الغير محمول
... ما اضفت غيرك يالفتاه الفريده
الخلف .. الامام
وللخلف لو ترجع ترى الخلف مقفول
... رح للأمـام وفك صفحه جديده
عنــــــــــــوان
واكتب على العنوان للغير مشغول
.... حنـّا سكنـّا وارسلي في بريده
تسجيل الخروج
وأن كان ودك تترك القلب مشغول
... سجل خروج وشب فيني وقيده
ايـــقــــــــاف
وان شفتني هالك على الدرب لا حول
... أضغط على ايقاف وأقرا القصيده
تحديث
وأضغط على تحديث وتشوف مدلول
... وكل الكلام اللي قريته تعيده
