الــــــــــــــــــوداع المــــــــــر
قالت: وداع وقلت: ودعتك بخير
وداعتن ماظن بعدها وداعه
يمكن اودع دنتي ثم انا اصير
على لحد قبري فقيد الجماعه
قالت: تفاؤل يوم جينا مساير
جيناك والله ما بغينا القطاعه
مدام والله ماحصل منك تقصير
حبك ملك قلبي وجدد متاعه
قلت: اعذريني ياحسين التعابير
اشوف قلبي زايدن بالتياعه
ماودي الفرقا ولا ودي اسير
قربك هنا عمري وبعدك ضياعه
قالت: ترا لك داخل القلب تقدير
ارجوك صوتك لا يطول انقطاعه
لا رحت عني وابعدتك المشاوير
اطلـــبك حبن بيننا بس راعه
قلت: ابشري ياللي لها افز واطير
عندي ترى يازين والله مناعه
مناعتن تمنع هوى القلب للغير
لا صار انتي ساكنه وسط قاعه
قالت: وهي تضحك اودعك بالخير
وقفت وهي تبكي تسب القطاعه
