عفا الله عن خطا غـدر الخناجر والضلوع أبطال
بسامح .. واترككـ تحت الظلام الحالكـ الحالكـ ,,
دخيلكـ وفر دموعكـ ترى هدر الدموع اذلال
وترى ما فيه احد يصبر مثل صبري بغربالكـ ,,
انا عيب علي أنقض كلامي والرجال افعال
واذا قلت اقطع احبالكـ تراني بقطع حبالكـ ,,
عشان اكسب هدب عينكـ .. تجرعت العذاب اشكال
وليتكـ ترأف بحالي علشان ارأف بحالكـ ,,
مسوي في حياتي شي ما يذكر ولا ينقال
حشا حتى ( العدو وهو العدو ) ما يعمل اعمالكـ ,,
تمسيني على الهمـ وتصبحني على الغربال
تقلطني فناجيلكـ وتقصر عني دلالكـ ,,
تحملت التعب لجلكـ .. وانا حملي يهد جبال
رحلت من العذاب وما وقفت الا على جالكـ ,,
علامكـ كل ما جيكـ متواضع .. جيتني تختال ؟!
معاكـ اليا متي بصبر .. وصبري معكـ يحلالكـ ,,
مثل ما اقبلت لعيونكـ لزومـ تلد لي باقبال
ومثل ما قد حشمتكـ .. حس واحشمـ قلبي اشوى لكـ ,,
أنا محد ٍ بجابرني أساير معكـ هالمنوال
ترى لاني تبيع لكـ .. ولا ني باصغر عيالكـ ,,
أنا جيت اعشقكـ نبض ومشاعر .. ما اعشقكـ ][ تمثال][
أنا جيت اسكنكـ واحياكـ وابقى فيكـ وابقى لكـ ,,
أنا جيت بظما عاشق تعب يطرد سراب اللال
أنا جيت استفز رضاكـ من فرقاكـ والجا لكـ ,,
أنا ما همت بكـ عاقل .. أنا كنت اعشقكـ بخبال
أنا ما كنت احبكـ حي .. أنا كنت اعشقك هالكـ ,,
تخيل من كثر ما اخاف تلقى للزعل مدخال
أخاف اخطي على طيفكـ وادوس برجلي ظلالكـ ,,
تبعتكـ .. والعرب تتبع رعود البارق الهمال
وانا شفت المطر يتبعكـ في حلكـ وترحالكـ ,,
كأن اللي خلق حسنكـ خلقني مع جسدكـ ظلال
وصرت اقرب جسد يمشي معكـ باقفاكـ واقبالكـ ,,
أبي قلبكـ يحس انه فقد بمحبته رجال
ملكته من هدب عين .. وخسرت رضاه باهمالكـ ,,
صحيح ان الفراق اقسى ولكن الوصال محال
أنا صعب ٍ علي أرضي غروركـ واضعف قبالكـ ,,
بعد ما حققت عيني فبعدكـ للرقاد امال
أعود للسهر ؟؟ يا خوي فال الله ولا فالكـ !!
ببدل نظرتكـ فيني .. واجي لكـ كل يوم بحال
بكون اقرب من ثيابكـ عليكـ .. ولا تهيا لكـ ,,
بالمكـ .. وانثركـ واجمعكـ وارجع وانثركـ باهمال
بخونكـ .. وازعلكـ وارضيكـ وازعل منكـ وارضى لكـ ,,
أبرسمـ بالثرى وجهكـ .. وابدفن صورتكـ برمال
أبشكي للعرب فرقاكـ .. واضحكـ عند عذالكـ ,,
أبهديكـ الوصال فراق .. واهديكـ الفراق وصال
بسوي مثل ما شوفكـ تسوي وافعل افعالكـ ,,
عشان تعرف من فينا الزعول .. ومن وسيع البال
أبيكـ تذوق فنجالي .. وانا بذوق فنجالكـ ,,
نصيحة واحتفظ فيها قصر معكـ الزمن أو طال
أبي تسمع كلامي زين وتحطه على بالكـ ,,
اذا حبكـ هبال اطفال .. لكـ عندي هبال اطفال
ولا .. وابشر بعد بهبال حب ما هو بهبالكـ ,,
واذا قصدكـ تهين اسمي عشان تشمت العذال
ترى
لا انته
ولا غيرك
ولا عشرة من اشكالكـ ,,
× * × * ×
أنا جعلتكـ نور .. وإنتِ من الطين
جرة قلمـ .. وأمحيكـ من عالمـ النور ,,
سـ جروحي ـيد
*×*×*
