مثلتي بالإخلاص وأنتي تخونين
|
ياللي علي بالحب جيتي تغنين .. أدري بك تغنين مع ذا ومع ذاك
معطيك أنا جوّك تجين وتروحين .. وجهْلك بمثلي شجّعك حيل وأغواك
مثلتي بالإخلاص وأنتي تخونين .. يومٍ معايه يوم مع ذا وهذاك
أنا ( سعد ) يابنت مهما تقولين .. ماهمني أقوال مثلك وشرواك
عارفْك زين وعارفٍ وش تكونين .. ومشّيتها لك رغمي عارف بممشاك
مارْخصت قلبي لجل ألوّثْه بالطين .. وماني مغفّل لجل أحبك وأهواك
تبطين وأنتي ماعرفتيني تبطين .. وتبطي أكاذيبك وتبطي سواياك
متناقضه مابين هذا ومابين .. مدري وش اللي عن مبادئك أعماك
خاطبتك بمبدأك وأنتي تعرفين .. ماهمني مبدأك مع ذا ولا ذاك
|
