/
\
/
\
جيتك من ورا اليل الطويل...
والشوق به صرخة صهيل...
جيتك اسابق القمرا للقمر..
لابس اليل..ولا بسني السهر...
ياطلة الفجر البريء..
الصبح ذا طبعه جريء..
جيتك أنا ساري..
وبعيوني ضما..لهفة لقا..
والمشاعر كلها يمك...
جيتك أنا داري..
إن عمري قضى...لا ما إنقضى..
توه بدا..وأنا احبك...
جيتك من ورا اليل الطويل...
والشوق به فزعه وصهيل...
جيتك يدفعني الغلا...
ويبرالي الهنا..وكلمة هلا..
لاقلت أحبـــك...
جيتك من الغربه..
عطشان..والشوق بي.. كاره(ن) صبره..
ومن كثره..فاض بي شاكي..
يعاتب الدرب الطويل..
يجمح بالخطوه صهيل..
جيتك وانا اجمع أوراق العمر...
واقرابك احلامي.. أحلام الصغر...
واشهق..أحبك...
جيتك.. ومعي دفتر ايامي
كيف كنت..قاسي..
كيف كنت.. ناسي ...
جيتك..وأنا ارجي الثواني..
تركض..وتعبر الساعات ..
وترحم المشتاق..ومن يلاقي...
جيتك منادي...
ياعطر الشجون..ياغلا هالكون..
والله أحبـــك...
جيتك أحاتي..
بتسكن هالعيون ..عيون..
بتضحك للشفاه جفون..
وعلى سطر الطريق..
كنتي لي سوالف..وآهـات.. وسكون...
وكنتي رعشة الخايف..
والفتنه...والفتـّان..وباقي المفتون..
جيتك..وأنا كلي حسايف..
على قلب(ن)..عاش وماكان بك مسّكون...
جيتك ..وشفتك..
وذاب التعب..والدرب الطويل..
وسكت كل شيء ..حتى الصهيل....
كنتي احلى من خيالي..
كنتي احلى من اللقا..
كنتي اروع من عالمي..
ومن وصفي وإحساسي..
إنتي مكانك ..لا مو ِهنا..
انتي هناك بأعلى سما..
إنتي..ملاك...ويخطف أنفاسي...
إنتي رعشة الخايف..
والفتنه...والفتـّان..وباقي المفتون..
