طفله .. على صدري ترش الأماني

طفله .. على صدري ترش الأماني
لـ عروقي اللي نامت العام ...يبّاس

هبّت...مثل ريح المطر ..ل المحاني
صبّت صباحات الهوى واستحى الياس

جتني .. سؤال ... وغيمتين و أغاني
سالت على شفاهي .. مثل نكهة الباس

قلت ... وتعثّر فـ السوالف .. لساني
لا بعثر اللهفة ... ولا رتّب إحساس

بارد... مثل فِرش اليتامى .. زماني
اللي بقى قلب .. وقصيدة .. وقرطاس

ماعاد يغري الموج .. .رمل المواني
لو مر من ضفة طواريك ... نسناس

ما كِن فـ الدنيـا ... نخيل ومباني
تمد لي من شُرفة الصمت ... كرّاس

اسقي من احلامي الطريّة ... مكاني
عسى عناقيد المسا .... تِنبت نعاس

تصحّرت رجواي .. وازهر حناني
حطي على رمث التعب ضحكتك فاس

هذا أنا .. ياس . ويباس.. وأماني
..ضمّي يديني .لين تخضرّ الأنفاس

انتي بياض الورد | لون التهاني
يختار فجر العيد ... وعيونك لباس

غبتي |.. بقى لـ الناس بعدك .زماني
جيتي | وكنّه مابقى ل الزمن ..ناس !

نص جدا رائع
يسلموووو اختي ع الكلمات الراائعه ..
يعطيك العاافيه

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً :) !

هلا فيك المحبه ..
عوده جميله واختيار ونص اجمل واجمل
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

سلمت يمناج اختي اختيار متميز ربي يعطيج العافيه

انتقاء جميل المحبه
يعطيك ربي العافيه
كلك ذووووووووق

اختيار جميل .. يعطيك العافيه