♠ إسبــــوع فيــــــض ♠
هَذا سابع يوم مرْ : ومنت فيه
هَذا سابع ( سيل ) فاض وإنعميت
هَذا حزن و هَذا غمّ و درب تيهْ
هَذا وارف ( نبت آآه ) و زرع ليتْ
إنت وينك ؟ وين قلبك ؟ حيل ابيه
حتى صوتك ؟ وين كِلمة يافديت
رِحت ساكت , دون وينْ ؟ ودون ليهْ ؟
ليه رحتْ ؟ وليه غبت وماحكيت ؟
لو مسولف شوفي قلبك ذا خِذيهْ
لو مشاور ! قلت : خوذي .. وماخذيت
كِنّه ( طفل ) و ضاع سبّة والديه
شف ضياعي مع ضياعه : من مشيت
وين اشوفك ؟ قلّي طيّب لو أجيه
دربك اللّي كنّا فيه و به حكيت
مُمكن أْلـمح : نور طيفك و اهتديه ؟
مُمكن اسمع صوت حسّك : لابكيت ؟
ممُكن أْلمس : كف دافي و احتميه ؟
أو ألامسّ : صدر حاني لا اِرتميت ؟
وش أسوّي في خفوقي مع يديه ؟
فاقديــنك / هذا وإنتَ ماوفيتْ
ماتصدّق : صرت اشوفك فـ الوجيه
فـ الشوارع - والمقاهي - كِلِّ بيت
ياحبيبي , أو ( حبيبي ) عاد ليه ؟
ليه انا اشري وإنتَ بايع ماشريت ؟
ليه افكر في سموك و احتريه ؟
وإنتَ عايش في فضائك ماشكيت ؟
ليه اضيّع حِلْوِ عمري , و انتهـيه
بـ إِنتظارك ؟ و آنا عِندك إنتهيت ؟
إنْسى طيّب والله قربك ماأبيه
هَذا ماهو حِلف عاديْ : وسط بيت
هَذا يعني ( عُمر ثاني ) بـ ابتديه
مايعكّر صفْوه اللّي : لك حكيت
بـ السلامه : يا خفوقه - يا عينيه
يالله شُكراً .. إنتهينا / و إبتديــت
