بسافر بس لو مرة بتفكيرك ..

وش الكلمة ..

وش الأبيات .. إنْ ماهي تعابيرك
أنا حلمي مشاويرك
وحلم الليل لومرة
أسافر وسط تفكيرك
وأفكر فيّْ
وانتي ليّْ
واشوف شلون .. تلقيني
أشوف شلون تشجيني
يابنت الشعر بحروفي
وآخر نبض في جوفي
تلوميني على خوفي ؟!
ومن مايخافْ
على آخر مسافاته
على حلمه وهقواته
على صوته ..
على موته
وميلاده ..
على شوقه وميعاده
أخاف الوقت يغدر بي
وتنسيني
يجي غيري .. وتلقيني
ورا بيتكْ
ألم أوراق بستانكْ
وأضيّع فيك عنوانكْ
ياحلم الشعر والشاعرْ ..
أنا الأول . أنا الآخر..
أبد مايهم
أبي القاك بلحالي
مطر في يم ..
وأصارع لجلك الأيام
أبي القاك دون الناس ..
تخيرتك . ونقيتك ..
وصرتي روعة الإحساس
أبد ما يهمني غيرك ..
بسافر بس لو مرة بتفكيرك
وأشوف الناس من حولكْ
مين اللي تحبينه
ومين اللي تجافينه
ومين اللي إذا جالك تصدينه
بسافر بس لو مرة بتفكيرك
.. وبسأل نبضك الدافي
عن الوافي
عن حروفه ..
وعن حزنك من ظروفه
وعن همك .. إذا ماباح لك مرة سبب خوفه
عن الحرمان .. .. وعن قربه من عيونك
عن اللي صار مجنونك
بسافر بس لو مرة
بتفكيرك
وبسمع بس لو مرة ..تعابيرك
إذا صرتي بلحظة صمتْ
مين اللي تولاها
إذا عينك بكت مرة
مين اللي بكى لجلك وبكَّاها
يابنت الشعر والشاعر ..
أنا الأول وأنا الآخر ..
لكن من يزاحمني
مين اللي إذا مرة نسيتيني يعلمني
ومين اللي يبي مثلي يجيك بساعة أحزانه
بسافر بس لو مرة بتفكيرك ..
ووش عندي .. أنا مالي أحد غيرك ..!!!)

هلا فيك نقاء ..
لا جديد تميزك وابداعك في انتقاء المفردة العذبه
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

نص جدا رائع
يسلموووو اختي ع الكلمات الراائعه ..
يعطيك العاافيه

ابدعتي الانتقاء عزيزتي
دمتي برقي

نقاء


الله عليك
نص جداااا رااق لي



سلمت يداك المبدعة وذوقك الراقي

سلمت يمناج يالغلا انتقاء جميل ربي يعطيج العافيه