ان قلـت تكفـى لاتهــاون بتكفــى
يسعد مساكم / صباحكم
هلا بالجميع ..
ولقاء متجدد يجمعنا احبتي واتمنى ماراق لي يروق لكم ...
امـا لطمنـا العيـل والا الطـم العيـل
مـادام شـب النـار منـدوب الإطفـا
مـن ذاق حـر القايلـه يعشـق الليـل
ومـن شـب ضّـوه ليلـة البـرد يـدفـا
امسيت في جيل(ن) ولاهوب ذا الجيل
و اصبحــت والا ديـرتـي شـبـه منـفــا
واللـي حمـا بيتـه بطيـر(ن) ابـابيـل
ماجيـت ادور كـل مـن صـد واقفـا
ولا جيـت ابشحـذ يانمـا دلـه وهيـل
جيتـك وجـرح الظلـم غـاديـه يشفـا
جيتــك بكلمـه كنهـا صعقـه الويـل
وان قلـت تكفـى لاتهــاون بتكفــى
((تكفى تراها كلمتن تقطم الحيل))
((لا بالله الا تنسف الحيل نسفا))
((تكفى تـرا تكفـى لهـا هـدرة السيـل))
((في صدر حر(ن) ينتف الطيب نتفا))
((تكفـى تـرا تكفـى لـهـا تسـرج الخيـل))
((ان كان لك في مجمع الخيل عسفا))
((تكفى تراني من قرومـ(ن) مشاكيل))
((حمّـاية السـاقـه بسيفـ(ن) وشلفـا))
((تكفـى وتكفـى ماتســاق لـمهابيــل))
((تكفى تخلي القرم لاش(ن) وهطفا))
((تكفى ترى تكفى تهـز الـرجاجيـل))
((لولا ظروف الوقت ماقلت تكفى))
اخوكم / رايق البال
