|
ياهاجسي فِجّ لي بـاب الشّعِـر فِجـه عطني ثمين البيـوت وكـبّ سامجهـا |
اجـــادل الـنــاس بالـبـرهـان والـحـجّــه والـكـلـمـة الـطـيّـبـه تـثـمــر نـتـايـجـهـا |
لابــــــارك الله فـــالازعــــاج والــلــجّـــه والكـذب والهرجـه العوجـاء وهارجهـا |
اللـي ليـا سمـع حاجـه طـار فالعجـه ماعـد يـدري حروفـه وش مخارجـهـا |
والوقـت مايـدري ان النـاس محتـجّـه يمضي على الناس واركابه يدرّجهـا |
احـدٍ مـع الـوقـت يــمّ الخـيـر متـوجّـه ميـقـن لـيـا ضـاقــت ان الله فـارجـهـا |
لاضـاق صــدره تـوكّـل والـقـدم سـجّـه على دروب الرجاء يطوي مناهجهـا |
والـسـرّ مــا بـيّـحـه والـمــرّ مـــا بـجّــه مـن خـوف نفسـه ينزّلـهـا ويحرجـهـا |
و أحـدٍ ليـا قـلّ حالـه صـار بـه رجّـه لـعـب بـــه ابـلـيـس والـعـالـم تولّـجـهـا |
يصير عزمه ضعيف وضاع فالدّجه نفسه من ادناة سقطه مـا يخارجهـا |
ويالله دخيلـك وعـبـدك طالـبـك نـجّـه وروحه بحسـن الختـام انّـك تتوجهـا |
|
