كئيبة نشوة الفلَّاح / اذا فَاس الأرق مَا نَال !*
-
تراب الما
طريق الضايع الأعمى.
هَدب يضمى..
رموش بالشقا تُرمى..
جذور الملح والتمويه ...
خصائص باللظى تشويه
خيوط العنكبه تلوى
خناجر منكبه تهوى..
تبي(( تهوي))
وابي(( اهوى))
تبي تلفي على غاير
تبي( صوت الوجع والآآه )
تبي لحن الحديد.!! العظم
مراحل غربتي ..!! فاللحم
***
بعرِّف للهوى معنى .؟
فصيله (o) في دمّي
بعرف للهوى معنى.؟
حصيلة( آه ) في همي.
***
خناجر همَّها تفصل تراكيب اللحم فالجسم
خناجر دمها يغسل طريق المعمعة فالحسم
(حسم)تَعني ألم محسوس
تشيل الميم من الاخر
تشوف الحس غَدَا ملموس
تشيل الحاء من الاول
تشوف السم غدا مدسوس
تلاحظ كيف آلامي تكوّن منهجٍ مدروس
***
جذور الويل لها عامين
تبي ترشف عطش هالطين
تبي تثمر
تبي ترمي وجعها فوق
تبي عِرق السحايب طوق
تبي تملي سلال النار .
نياشن في رصاص العار
الايامذوب الفتنه
على عين الوله والقاز
نبي نشعل رماد الفيّ
نبي تكوين للاشيّ
***
جدار الطين يايمَّه شكى من ريحة(الفانوس)
نبي ندفى
وهو يغفى....
على ثاني تناهيده
على كربون زفراته
على عين الوله والقاز
نبي نطفى رماد الفىّ
نبي تعريف للاشيّ
***
حبيبي
ماتنفسني
سوى جمره وسط عيني
وانا من وين مارحتي
جزر كحلك تجدفني
سواد الغيم معميني
انا ماكنت في ذاتي
سوى اني انا فيني
تثاوب في وسط صدري
عطش من غربته ناشف
ترجيت المطر ينطق.؟
. يتكتك في سراب الظلع
انا ياصاحبي ......آسف
انا ماقلت لك تعشق
وانا في غربتي.....ناشف
***
عزفني للمسا عودك
وانا محرق تفاصيلي
ابي ريحة وتر.. منّك
ابي نغمه( لهب) ..ع""ودك
***
انا وشلون بتذكر....؟ وانا مخي نسى..... راسي
انا وشلون بتنكر.....؟ وانا معروف ....بأحساسي
طفى في شارع النيكل
معادن عظمي الهيكل
ابي عينك تراقبني..!!
(فتاتي) قوت للشارع
نقص
عظمي
نقص عظمي وانا امشي
تحوّل ساقي .....لطبشور
أبي اخطي وتاكلني
دلايل شارعي ....المبشور
حسايف ماذكر........ وجهك
سوى مرايه بلاجدران
حسايف ما سكن ....نزفك
سوى تلويحه..... الهجران
***
تراب الما
طريق الضايع الأعمى.
هَدب يضمى..
رموش بالشقا تُرمى.. ('
-
يَغَنيني تُقَى غيمَة عَلى اليَابِس منْ اليا مَال
هَوَا يَستَنشق لعابَه لَجل يمطر لَحنْ تَغرِيب
ْ
عَلَى البَارُود مِن بَاقي حَوارِي قَبْسَةَ المدهَال
نَبَت من خوذة احلامه صداع وظَاهرةْ تَعذِيب
نَهَر يسْتَيسر المَرْمِي مِن وجِيه المرور اقفَال
وَيَرْمي بَعضُهم كلَّه عَلَى المَازِج رُفى ونْحِيب
رَصِيف ودَوزَنَةْ فَوضَى تدلْ ان المَسااا اقوال
عَلَى افْوَاه المَكَان الِّلي يَعِيش فْذَاكِرَة تَخْرِيب
ْ
قَطِيع مْنَ السَهَد يلفِي علىْ اجفَانْ البَلاط اعطال
نَوَايا ترمش البَاقِي من المُلقَى طَرفْ هَالسيب
عَطَالة تشبِه لْشمعك إذا كان العَشَمْ إشعال
عَشَم يشْبِه عَبث صَدري إذا ساد الرئة تَسريب
أمر الشَارِع ورجلِي عَليها اْمن الوَصَايا ثْقال
اَوَقِّظ ضيق اقدااامي واْوشوش خطوتك تجريب !!
بَيُوت مْزخرفة يعني !! عروق وسيئات اعمال
وَانَا اسَتَغفر بنظراتي واقول ان المُدن لاريب
كِذَا مَدرِي مِن الصَّادق كِذا مَدري مِن الدجَّال
كِذَا كل المسااا يشبه ريَا لو بَختَره تعصيب
هنا الشحاذ من جوعة نَوى يتنَاول الأطفال
هناالاطفال لو تُلفَض تَمُوتْ ولا لقت تَطبيب
مَكان وزحْمَة المُهمَل تَكح مْن الصدااا تمثَال
ضَمِير وطِينَته مِينَا عليها مْن الزبد تأنيب !
بَقَايا من سياج عْقُول ولوحة تْحَذّر العقال
جَرِيدَة تَقرا اسفلتك عليها من الدلايل شيب
يَسِيل الريف من كوخه ويَعْشب للبُكى صلصَال
يشكل دمعة الباذر على متن الحقول شْعيِب
كئيبة نشوة الفلَّاح !! اذا فَاس الأرق مَا نَال
مِنَ جفون المُدن رغوة كمَان وعَازفٍ للطِّيب
عَلى فيَّة زِمَن واْرخِي لترس المعدَن الأنصال
وانا اخبز ماءك المقري بِدعوة مؤمنٍ بِالغيب
هَمَستْ لعينَه بصرخة تشَابه ثورة العمال
رعيت لنبرته فَزعَة يتيمٍ صوتوا لَه (عيب !! )
حبيبي ياوطن كيفك على طاري يتيمْ ريال
حبيبي ياوطن كيفك فصدري هالغنا ما يْغِيب
حِكاية تَطْحَن المُورِق مِن المَشنُوق دون حْبَال
حكاية تشبة المنفى اذا كان الجسد تغريب !
لــ / خليل الأحمد الشهري :)'
