شعاع الشمس
أجاري من سوالفهم واداري
واحفظ كلمتي من هـ الضياعي
وصون إسم حملته فوق راسي
أبوي العز من زين طباعي
أنا شاعر واحساسي حروفي
ونزفي ما ألف لبس القناع
رصين فـ بنيته سحر ومعاني
أصيل وما عرف لون الصناعي
عذوبة من قصيد لا نظمته
ولو بعض الحكي بس ماله داعي
شعاع الشمس منثور بأسمي
وأنا .. هل كيف من يحجب شعاعي؟
أحاورهم وطبعي ما أجامل
ولا أرضى بدون الاقتناع
حصاة السيل ما حدت دروبي
وأنا ما خاف من يلوي ذراعي
حصوني كلمتي شدة ومهارة
حصانة من هجوم او دفاعي
عزوم رجال في الشريان تجري
و سهمي صاب من ينوي خداعي
ولي في البوح قلب لو أحده
بلي حدود شيطانه شراعي
ولي جمهور يسمع لي بود
ولي أخوان فيهم حس واع
يشــــــرفني كلام لا كتبتـــــــــه
تلون من دما*.. أرض القـــــــــلاع
يأست من الرجا .. وما عدت أنسى
أنين الحال من سم الأفاعــــــــــي
بقلمي/ ناصرالضامري
*دما : الأسم القديم لولاية السيب
