صباح الخير ياسحر البيـان وروعـة التخليـد
صباح الخير ياسحر البيـان وروعـة التخليـد
صباح النـور ياذيـك الحـروف اللـي اداعبهـا
صباح الفل واليشموم والنرجس صباح سعيد
يا اجمل من صباحات المشاعر يوم انا اكتبها
صباح الطيش ياثورة خيال اللي عجز لا يهيد
يـا اقـوى ثـورة ٍ فينـي جنونـي مـن يسببـهـا
تولـم ياقصـيـدي لا نـويـت اكتـبـك بالتجـديـد
ابيـك تـهـز كــل الارض مشرقـهـا ومغربـهـا
مـا دامـه ذايـع ٍ صيتـك وكــل قــام بالتـرديـد
بيـوت ٍ غربلـت ذيـك القـلـوب الـلـي تعذبـهـا
ابيـك تـرز رايـات الجزالـه ياقصـيـدي سـيـد
وتسكن بالقلوب اللي اشوفك صـرت مطلبهـا
تفاخر نعنبو جـد القصيـد اللـي علـى التحديـد
ليـا مـن جـاك يـدبـل كـبـد قاريـهـا ويعطبـهـا
كتبتـك كبريـاء وعــزة ٍ فيـنـي تجـيـب العـيـد
وصخـرت القوافـي غصـب تشعلهـا وتلهبهـا
عطيتك جاذبية ارض تجذب من بغى التنهيـد
منحتـك مـن مشاعـر قلـب فبيوتـك اخضبـهـا
اببحر فيك ياشعري واسافر عن صحاري بيد
وانـادي للهنـوف اللـي تبيـك اليـوم مركبـهـا
ابصنع منك ياشعري عقود اللولو فوق الجيد
قلايـد حـب ابصنعهـا مـا دام البنـت ترغبـهـا
ما دام انك اصيل ٍ مـن اصيـل وتملـك التأييـد
ابـي ذيـك العنـود اللـي تحبـك حـيـل تسلبـهـا
ابيهـا وافيـه توفـي وتاخذنـي عـنـود الصـيـد
وتاخـذ خافقـي معهـا وتطربنـي وانـا اطربهـا
والى منـه بـدا ذاك الصبـاح ونسمـع التغريـد
عصافير الحروف اللي علـى الاوراق نكتبهـا
تجيك المترفه تمشي وهي تقهـر بنـات الغيـد
وترفع صوتها: شوفن حروفـي كيـف ارتبهـا
هذيك اليا لفت منها البيوت اشوف كيد وكيـد
والى مني قريت الها القصايد قمـت اعذربهـا
انـا مـا جيـت اعذربهـا ولكنـي ابــي التأكـيـد
ابتأكـد عـن احسـاس ٍ تشيلـه يــوم اخاطبـهـا
خـيـال ٍ واســع ٍ تمـلـك ولا يحـتـاج للتنـقـيـد
فديتـه شعرهـا لمـن قريتـه قلـت مـا اعذبـهـا
وانـا يانـزف قلبـي مـا كتبـت الا مـن التنكيـد
صبرت مصبـر ٍ نفسـي علـى الشـده مدربهـا
سبحت بغبـة بحـور القصيـد ولا بغيـت اعيـد
ولكنـه جنـون الشعـر يجبرنـي اغـوص بـهـا
جديـد ٍ مـع جزالـه مـا نويـت اكتبـك بالتقلـيـد
اصيـل ياقصيـدي والحـضـاره فـيـك اواكبـهـا
صباح الخير يارحلـة سنينـي روعـة التخليـد
يا اجمل من صباحات المشاعر يـوم اداعبهـا
مما لامس احساسي
لكل من مر هذا الصباح
