لو يستحي حزني البارح على دمه |

لو يقدر الورد يسرق قلب من شمّه ..
م تقدر الشمس تسرق بارد ظلالي ~
اخترت درب الظما عن صافي الجمّه ..
والفت صبري عليه وَ طال ترحالي ~
ماكل من يسري بيسري على همّه ..
يا ما سريت الظلام وخاطري سالي ~
والبارحه النفس مخنوقه ومنغمّه ..
و سرّاني الحزن للي مر في بالي ~
اشوف صورته بالجوال واضمّه ..
وَ اودعه وَ امسح اللي له بجوالي ~
سمّ الجفا مرجله ولا ردا سمّه ..
انا عزمت وجزمت وشفته اشوا لي ~
اليا متى وَ المشاعر فيه مهتمّه ..
سويت كل شي لكن ويش سوّا لي !
ما عاد اعرف اتكلم مع بني عمّه ~
لا سولفوا كن صورة وجهه قبالي ..
اصدّ والناس حول الناس ملتمّه ~
وَ اتشطّر بعيد عنهم واجلس لحالي ..
كنّي يتيم فقد من ليلتين امّه ~
ولا كريم استحى من جيبه الخالي ..
اغص في عبرتي واضيّع اليمّه ~
و اسج رجلي من الضيقه على فالي ..
ما للخيانه عذر في ذمتي ذمّه ~
العذر ما ينقبل في خيانة الغالي ..
من اول اشوف السّامي على القمّه ~
و الجاي من عمري و مستقبل آمالي ..
و الحين ما عاد يفرق مدحه و ذمّه ~
مثل ابتسامة رضى في وجيه عذالي ..
يهمّني الحب ب الحب ما همّه ~
ياليت ماني كذا وخصالي اخصالي ..
ابعدت شرهة دموعي عن طرف كمّه ~
وعلقتها في طرف جفني من هبالي ..
اواسي الجرح و اداريه والمّه ~
و اقول ل الدمع لاتبكي على حالي ..
لو يستحي حزني البارح على دمّه ~
ما كان جابه على غفله على بالي ..

الله عليك عطر
ابداااااع متواصل
دمتي برقي ذووووقك عزيزتي

" نص يستحق النجوم الخمس "

عطر الاحساس

كعادتك راقية في الاختيار
نص جميييل جدااا


سلمت يداك المبدعة وذوقك الراقي

رائعة جدا ذائقتك عطر
تسلمين وربي يعطيك العافية

الله الله متميزه بالانتقاء غاليتي ربي يعطيج العافيه

نص جدا رائع
يسلموووو اختي ع الكلمات الراائعه ..
يعطيك العاافيه

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً :) !

يسلم يمناك اخية على هذا الاختيارالرائع
واصلي دوما إلى الإمام وننتظر جديدك
يعطيك العافية

هلا فيك عطر ..
كالعاده لا جديد عليك هذا التألق الرائع الله عليك الله
الف شكر لجهدك واختيارك وتفاعلك الجميل .. كلك ذوووق