ياقاضي الهوا

ياقاضي الهوى وش حكم قولة فمان الله
وقفـــاية المضنون عن عين مضنونــه

مع انه معاهدني مايطري علي فرقاه
سوى تاقف الاقدار من دوني ودونه

لكن والله اني مدري ويش هو اللي جاه
ولانــي بداري وين راحت به ضنونه

طلبني المواجه لين جيته وزان احماه
ويــاليتني ســاكت ولا قلت وشلونــه

بكى ولا بكى لي كون معطيني مقفاه
يحــاتي عيوني تبكـي لشوفة عيونــه

وانــا مابكيت الا بعد ماسمعت بكــاه
وقفــى وانا شفق على ضحكة سنونه

بري حالي من اللي حصل لي معه برياه
اثـاري الوداع اقسى من الغدر وطعونه

لـو انـه قطعني ماتوادعت انـا ويـاه
كــان اهون ولا دبارته يمشي بهونـه

يـاحي الزمان اللي جمعني معه حياه
نغني على طرق الهوى اعذب لحونه

وياحي وصله يوم قربي ماهـو يشنـاه
وغيم الوصل مرهي علينا من مزونـه

احبـه محبة صــادق جايه من اقصـاه
ولاهو يفكــر في التغياب والخونـــه

خذاه النصيب وشل دلو الوصل ورشاه
وبير الهوى ماهي مع الوقت مدفونــه

ياقضي الهوى ان كان لك وجه والا جاه
لاتحـــكم عليه احكم على اللي يزفونــه

هلا فيك عطر ..
نص واختيار جدا راقي رغم الشجن به
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

عطر الاحساس


نص في قـــــــــمــــــــة الجمال
وذااائقة رااقية كالعادة


سلمت يداك المبدعة وذوقك الراقي

عطر نص جميل
كلك ذووووووق

نص جدا رائع
يسلموووو اختي ع الكلمات الراائعه ..
يعطيك العاافيه

.
.



عطر ..
كلماآتٌ جميلةة / ذوقٌ راآقي
أسعدكـ الرحمن ~

انتقاء مميز وراقي
ننتظر القادم بشوق
دمت وسلمت