جيتك مشتاق والشوق ياشوقي دعاني
جيتك مشتاق والشوق ياشوقي دعاني
مشتاق والشوق فيني يزيد حروقي
من يوم عرفتك سلمتك نظر الأعياني
ولك قلبي دوم تواق ويزداد شوقي
هديتك صادق الاحساس مع الحناني
وودي أهديك الروح بلا شهود ووثوقي
تمنيتك من يوم عرفتك وانته اتمناني
وأسمـك قلبي ينطقه وتردده عروقي
تغيب ساعـه بـأجزائها ابقى اعاني
أعدها ثانيه ثانيه من الغروب للشروقي
بس يقبل الدجـى ادعي نورك يباني
واجلس أتأمل وأرسم طلوع معشوقي
ولحظة طلوعك أحس شوقي شلاني
كالطير طـرت يوم للحباري يتوقـــي
على صوتـك ألحن أعذب الحانــــي
وساقني الشوق بدفى حظنك سوقي
بالنهايه اعترف أحبك طول الازماني
وبــحبك تأكدت انـــه حلــو ذوقـــي
وسريت فيني شرا دمي بشريانــي
وان جمال الطبيعه مـنك مسروقــي
جمال يعكس جمال حـــور الأجناني
طبيعي ماهو بمكياج صالون السوقي
