طول غيابك بس وشهي ظروفك..؟
طول غيابك بس وشهي ظروفك..؟؟
لك مدتن ماجبت علم ومراسيل
مرّت ليالي ماني قادر اشوفك
قضيتها في هم.. حزن ومواويل
ماغير اغني في ثلاثة حروفك
بين (الألف والميم واللام) ... عزيل
وان جيت ابرقد عاودتني طيوفك
واسهر معاها لين مايسري الليل
والشمس يابانت انا اذكر وصوفك
وابكي على الذكرى وأدق التفاصيل
مشيتك مع جلستك .. حتى وقوفك
خاتمك واسوارتك ورنّ الخلاخيل
واشم عطرك يوم انا احضن كتوفك
ومن الفرح دمعك على كتفي يسيل
حتى التفاتاتك معايا.. وخوفك
والضحكة اللي غابت اليوم بالحيل
وياكثر ما في البال منها تحوفك
صبت علي الهم ويل بأثر ويل
ومع كل هذا ماني قادر اعوفك
وشلون اعاف اللي لها قلبي يميل..؟
هذي كفوفي وانت عطني كفوفك
ودي اصافح كفك اليوم ياسهيل
