البارحه طرّاك هاجوسي وانا وسط المنام
البارحه طرّاك هاجوسـي وانـا وسـط المنـام
وقمت أتفكر قـدرة الله فيـك يالتـرف الأصيـل
لو جيت أبوصف ما بدالي منك .. ضاع بك الكلام
مضياع من وسط الخلا خلي ولا له مـن يعيـل
يـا درّه بغبّـة بحـر لا هـي تبـاع ولا تسـام
يا نادره بالوصف والتوصيف في وصفـك يهيـل
سبحانه اللي صـورك ثـم ميـزك عـن الانـام
الزين كلـه والدلـع والملـح وهروجـك قليـل
عينك عيون الحر لا من جاع ثم شـاف الطعـام
ويزهاك عقد الماس لا شفته على العنق الطويـل
لبيه ياللي نظرتـك تسحـر .. وبعيونـك سهـام
والوجه برقٍ لاح في وسط السمـا قـدم المخيـل
لا اقبلت يمي شفت وهّاجه وانـا وسـط الظـلام
ولا اقفيت غاب النور بإقفايتك يالطرف الكحيـل
والخشـم لامنـي تحليتـه كمـا سلـة حـسـام
والا الشفايف حكيهـا معسـول لهمومـي يزيـل
يا بري حالي كل مـا شفتـك لا قطيـت اللثـام
يصيبني عله مـن اسبابـك وانـا قلبـي عليـل
وخصرك يقولون العرب يا كيف مافيهـا عظـام
والجسم كنـه مزهريـه .. او حلـي دلال هيـل
ومشيتك لامنك مشيت .. وطولك اللي لـه مقـام
مشي الاناقه والترف لايق على الخصر النحيـل
وهذا ترى موجز عن اوصافك ومن قبل الختـام
يا صاحبٍ دمر حشاي وصرت له مثـل القتيـل
أهديتلك حب ووفا وأرخيـت لـك حبـل اللجـام
أبيك تفهم يالغـلا مغـزاي .. وجروحـي دليـل
لا تذبح اللـي يعشقـك وهـو بحبـك مستهـام
اشفق عليه .. و لدّ فيه .. ولا تزود الطين سيـل
يا وجد حالي وجد منهو فوق عـال الجـو حـام
قدام عينه وخذت فروخـه وسـاء بـه السبيـل
والا كمـا قايـد لقـوم ولـه يـردون الـسـلام
ودارت به الدنيا وعقب العز صار أكبـر ذليـل
عليك يامن صارت ضلوعي من اسبابـك عـدام
لقيت لك جمره وفجـرت الحشـا مثـل الفتيـل
هواك يـا خلـي مغربلنـي وحطمنـي حطـام
وغلاك يجري في العروق وما بقى بالقلب حيـل
هزمتني يا زيـن وانـا مـا عرفـت الإنهـزام
حسبي عليك شلون ما تـاوي ولا تدخـل دخيـل
إن كان ودك بالفراق .. أبعد وانا نسـل الكـرام
مانيب من يطرد ورى المقفي ولـو مالـه مثيـل
وإن جيتني .. يا مرحبا بك عـدّ وبّـال الغمـام
ترحيب وافي من وفي بإعداد ما سـال المسيـل
وبآخر كلامي يحفظك ربي مـن عيـال الحـرام
ملاك في صورة بشر وشلون .. سبحان الجـلـيـل
