ياللي نشدت وقلت قلي من أغليت
ياللي نشدت وقلت قلي من أغليت
أغليت أنا اثنين اسكنوا وسط عيني
أبوي وأمي في غلاهم تماديت
لي حق افخـر في غلا والديني
ابوي لي قدوه انا به تعزويت
لولاه ما شلت الفخر في يديني
امي هي القبله وهي شمعه البيت
ياما كستني بالغلا في سنيني
والله لو ابذل كل عمري فلا أوفيت
ربع الجميل اللي كسوابه جبيني
ما قصروا جابوا اللي تمنيت
لو أقدروا حطوا القمر في يميني
والثالث اللي كل ماضاق فريت
هذاك اخوي وفي حياتي عويني
والرابع " انته " عقبهم بالغلا جيت
ياللي ابيك وعارف إنك تبيني
أدري حبيبي للقاكم تحريت
وادري بشوفك كلما تحتريني
بس الغلا يفرض عليه إذا اوفيت
إني احطك بعدهم يا ظنيني
