يامسرفٍ بالحال واش فيك صديت,,
سمعـت صوتك واتصالك وفزّيت
وأنـامـن أول خاطـري فيـه ضيقـه ..
كنت احسب إني عن غرامك تخليت
ولاإني اجحد فرحتي والحقيقـه ..
واثرك سكنت بخافقي واستقريت
وان المشاعـر فـي بحورك غريقـه ..
يامسرفٍ بالحال واش فيك صديت
من غيبتك وسط الضماير حريقـه ..
قصدك غلا غالي ولو ما تغليت
نذر إنك اغلى من جميع الخليقـه .
والله ما عمرك بغيرك تساويت
تفرق مثل نوض السحاب وبريقـه ..
المشكلة ماتدري أنك توليت
على الجريح اللّي طريقك طريقـه ..
والمشكلة تخطي وتحسبني اخطيت
ومن الغلا لرضاك نفسي طليقـه ..
وأنت بجفاك وزود ظلمك تماديت
كنك مثل شارون محدٍ يعيقـه ..
ظالم وفي ظلمك وطعنـك توصيت
واكبر غلط طعن الرفيق لرفيقـه ..
اغرقتني في بحر حبك وقفيت
حملت قلبي فوق مالا يطيقـه ..
واليوم جيت وجـابك الله وهليت
المـشكلة مشاعري لك رقيقـه ..
سمعت صوتك واتصالك و فـزيت
وأنامن أول خاطري فيـه ضيقـه ..
