عَلئ آلصدمه ، غرآيب شآطيء آلذكـرى تنآدينآ ("
؛
ماقد رميت الورد بيدينك عبث ,
لو كان في يْديني رياء ..
ناظر حكاوي كذبتك ,
وان صار لك حبّ و حياء ..
ياصاحبي :
بعض السوالف ماتبي حرث ,
وان جبت لك : تربه ..
هذي عوامل كذبتك ,
لا تقسى بالغُربه ..
من علمك :
تقسى على نفسك , على قلبك ,
ياصاحبي :
لاتشهق الكذبه ..
وترحل عن بقايا الأمس
لاتزفر انفاسك ,
وتنسى وش بقا للشمس
ظلك عليّ البارحه سولف ,
ولكن ماعطاني فيْ ..
قلي انا ..
كذبك وطال بْه السفر لو مانْدمل
... ... ... جرحك : عسى ماينجرح لو هو علي
جيتك وفي بعضي جراح ان مَ أكتمل
... ... ... خذني بقايا الطيش من هذا الـْ ولي
من علمك تقسى .. على الترُبه .. و على الخطوه
قصّه جراح الغايب القاسي
... ... ... قصة سهر يا جارح البسمه
ما لامس الجذع الطري : فاسي
... ... ... دام الأساس انته وكل حلمه
من علمك ترحل
وتقسى من عنا نفسك عليك
من علمك
دام الحكي قاسي ..
تجرح صدور الناس واولهم يديك
من علمك .. ؟!
توليبة الانفاس تنشألك حكي
... ... ... لاردّ لك غربة ويهمس لك انا
تدري وش اقسى شيّ يجرح هالبكي
... ... ... لاصار في صدرك فرح لكن عنا
أحتضَار الجرح يعني أنتظار
في طرقْ عتْمة وأنْفاسي تعب
وآتشتت من عنا وقتي وصار
شيّ ٍ اكْبر من دهاليز العتب
طارت الانفاس والباقي احتضار
وآترمْد من شهيقه والمهب
ياغريبه وش بقى فيني وطار=
من متاهه من سواليف السحب
شف حكاياتي غريبه للمدار
أرتماء الغيم واللهفه عشب
في مدارات الأراضي للخضار
كبّل الاحساس يازارع عنب
والمزارع لو تبيها للمسار
ماتشوف الا متاهات السبب
وش سبب هالوقت لو جاني ودار
وش سبب وقتي على نبضي لهب
أذكر انْي لو اجيبك للسمار
راح وقتي للسما وأقطف محب
لاتناظرني انا مالي انتظار
مات عمري والاماني للتعب
الهم كذا هو عادته لا ترامى
... ... ... يجحف بقايا القلب والجرح تصديق
البارحه قامت علي بالحنايا
... ... ... موسيقة الناي القديمه تحاريق
شبّت على صدري تعب كذبتينك
... ... ... كذبة تعب كذبة أغاني على الرّيق
ياجارح الأحساس قلّي أماني
... ... ... غير الصّبر والحلم لـ اصبح بتغريق
مدّت يده من تحت هالما : تشاهق
... ... ... مايقدر ينادي وصوته تفاريق
هذا انا صوتي كذا في حكاية
... ... ... أيبللّ اطرافي تعب بالتشاهيق
الجرح لو ودّك تشوفه : كذا بس
... ... ... حاول تناظر ساعتك بسّ تدقيق
خذني كذا لفحة هواء واشهق الاه
... ... ...يمكن تحس في دخلتي لوعة الضيق
وجَانيِ والذهول أقبل على كلي يبي يرتاح
أبركض لين مايروي عطش فكري ويندهلي
اذا هذا الأمر يقبل على بعضي كذا ينزاح
دهاليز الغياب اللي عرفت انه بدى يحس لي
ذهول الفكر لامنه رسم في لوحته ارماح
يوازي خطوته لنه على ماقيل ينظرلي
مدارات الرحيل اللي تبي منها كثير امراح
على نظراتها تبقى على مهله تبي كلي
سنين الجرح في نظره تحس انه كذا سواح
تعيد بطلته بعضك شريط الذاكره من لي
تسولف للفضا رحلة شبابيك الوله لا لاح
يمد ذراعه وحزنه على بعضي يلملم لي
مسارات السوالف لا بقى منه بعض اجراح
يشق لي في سما الغياب طله وانت تفهم لي
ترى هذا الغياب اللي قطع في داخلي فلاح
يحاول يحرث بصدري :ورود الفقد يزرع لي
اشم الحزن ويبقالي صمود الغارق الفضاح
يبين لي على دمي خضَار العِرق :ينشف لي
بقى مني عظام الهيكل الجارح يبي أيضاح
هو انت اللّي تبي تسويه تحسبه فازع ِ خلي
انا مقدر اتوه إليا بقى مني بعض افراح
اقيد فرحتي احسن وازرع في سما كلي
تقابلنا نبي نذكر دقايق صمْت لا لاحت
عقارب ساعتك في خصرك المايل تبي لطفك
تمرّد وقتنا واسرع على صمتك يـ لو صاحت
تبيد الوقت والرحله تسولف للمدى خطفك
انا ياوقت لاتسأل عن ايّامي عن الـ راحت
عناقيد السما نجمه على صدري تبي عطفك
رحيل وشمعته عالطّاوله , غُربة تعب ساحت
على شرفة عذوبة كل مناديلك تعض طرفك
صحيفه ذكرياتك , وارتباكة ملعقه طاحت
ثلاث سنين ما قامت عبثْ تسأل على ظرفك
حكاياتي بعيده لو متاهاتي مدى فاحت
حديث الأرتباكه تُربك الهم لو أنا حرفك
تعبْنا من أغانينا
تعبنا من طريق الذكريات الجارحه..؟ وين
مشينا وين ..؟
ما ندري عن الامال والترحال
أنا ويني وتاهت عناويني عبث
هناك الجرح واقف ينتظر حتفي انا ملّيت
انا ملّيت اناظرلك وتندهلي
أنا ملّيت أشوفك , رح عن عيوني
ثلاث سنين اسولف لك عن ايامي تعب
تعبْنا من أمانينا : تعبنْا من حكاوينا
تعبْنا من أغانينا : تعب لو صاح بك همّي
طبعْت بْكل عروق الْحلْم طيِف يْجر خطاوينا
على أمر الدروب الجارحه نمشي بس نْسمّي
على الصّدمه غرايب شاطىء الذّكرى تنادينا
تعالي صارت الدمعه تجر الاه وش تْشمّي
كفوفي ماهي بْكيفك تحاول في عناوينا
تحاول تاخذ لجرحك مناديل التعب دمّي
لَـ / محم آلغشّـآم :)'
