ماينسِّينا الخطأ (زر اتصــــــال)
...............................ماهو كبر /ولا غرورٍ/ نتبعـــــه
من علاقه كل "مقامٍ له مقــال"
..............................كل عذرٍ تافهٍ/ مانسمعـــــــــه
كانها ماجات/ بسلوم الرجـــال
..............................من لفى قلّه : طريقه يرجعــه
من هو قصّر بالتواضع / والوصال
.............................معتمد /لو ساق عذره نمنعــه
دام فكره /غارق بوسط الهبـــال
..............................كيف مثله/ في نجاته نقنعه ؟
واللي يعشق بالأحاديث /الجدال
..............................ليش نسمع له كلام /ونرفعه
لو يقول: الليث بديار الشمـــــال
............................سهل أقول: أبها جوار المجمعه
مير تربطنا /سواير بالحبــــــــــال
...........................والصدق /حبله خساره نقطعــه
مثل شمس الكون في وقت الزوال
..........................واضحه ،،تنزح ولا احدن تخدعــه
كم واحد /يطرحه خشم الريــــال!!
.........................قبح الله من حياته مطمعـــــــــــه
من يقيس ،،أصحابه بفزعات مال
........................(يختبر) من يعتذر /أو يفزعـــــــــه
أشهد ان عقله/غدى فيه /احتلال
........................(رأس مالي)،، يفتكرها منفعـــه!
الصداقه قدرها ،،فوق الخيــــــــال
.......................شامله كل /الجهـات الأربعــــــــــه
رجل فعله مثل قوله/ كالظـــــــلال
......................وآخر أفعــاله ســـــــــــراب وجعجعه
كم واحد له قدر مثل /العقــــــــال
......................فوق راسـي/ وافتخـــــــــر ماانزعه
وْكم واحد مع هبـــوب الحقد مال
......................ينكسر لو في حيــــاتي بزرعـــــــه
واللي خاوا هاجسه وسط الليال
......................وْكل فكره تنثــــره/ ثم تجمعـــــــــه
لايفكر/ في حلول أيّة ســــــؤال؟
......................يبتلش /في كل حــــــلٍ يرمعـــــــه
(بالشريعه) مايلاقي احتمــــــال
......................في "حلول الدين" (للضيقه) سعـه
واللي عامل بالمثل في كل حال
.....................صحبته/ تطلـــــق عليه (الإمّعــــــه)
والله ان القلب مايخشى القتـال
.....................مير يصفح /من أصــــالة مرجعـــــــه
مايلام اللي نوى شد الرحــــــال
.....................لجل تحريـــــض الغوى مايدفعــــــــه
حكمه اللي يرتجي له طيب بال
....................لابدت بالنـــــاس زود المعمعــــــــــه
(وِحْدِةٍ وحشه) مع صمّ الجبـــال
.....................خير من قوم ٍ/تحــب الزعزعــــــــــه
ان سكتنا أو نطقنا لامحــــــــــال
....................(النقـــــاده )كاس لازم نجرعــــــــــه
