{{ .. ضاق صدري ورحت افضفض للمكان ..}}
ضاق صدري ورحت افضفض للمكان قاصد نفس الرصيف!
شفت نور الحي زايد وانا خبري به ظلام!
والغريب انه خفوقي زايد نبضه..مدري كيف!!
كني طفل..يبكي..خايف..ضايع بوسط الزحام
اثرها كانت وراي .والضيا ماكان طيف
قبل مااوقف واسلم..قلبي المشتاق قام
ماطرى في بالي الا(يابخت من لك وليف)
عينها بعيني..ونظره..رجعتني كم عام
فجاه شفت اشجار تخضر وهي في عز الخريف
وهذا هو حال المفارق يوم يطري له الغرام
يبتسم..يشبه بشوقه..للنظر شخص كفيف
الامل ضايع..ولكن..الاماني مو حرام
الثواني تمر وتمضي واشهد ان الوقت سيف
فجاه قالت(كيف حالك قبل ماارمي السلام!
كنت احسب اني قوي لين اكتشفت احساسي زيف
ماعرفت انطق بكلمه..شاعر وخانه الكلام.!!
كيف اقول ابي بخير وباين بقلبي نزيف..؟
والملامح بان فيها عين ماعادت تنام
مرتبك..واقف..وساكت انفض غبار الرصيف
بالعجل هزيت راسي(يعني اخباري تمام)
وانسحبت بلا تردد لني انسان ضعيف
والقوي لاشاف موته..يوم يضعف مايلام...
مما راااق لي وللمارين أرق تحية
