قالت أحبك قلت شفتي الطوابير صفي وارهم كلهم ينطرون

قالت أحبك

قالت أحبك.. قلت شفتـي الطوابيــر؟؟
صفي وراهم كلّهم ينطرونــــــي

ما عاد لي فـ دروب حبك مشاويــر
ما عادت ظنونك تخيب ظنونـــــي

كنتي جناحٍ به من همومي آطيـــر
كنتي (سحا..) لا والله كنتي مزونــي

كنتي الكتاب الممتلـي بالتعابيـــر
أقرأ عيونك وانتي تقري عيونـــي

غمضت عيني طحت وسط المقاديــر
ما قصروا أهل الوفـا كفنونــــي

فتحت عيني ودي آشوفنـي غيـــر
لقيتني عايش لوحـدي بدونــــي

اللي رسموني يا فهد بالتباشيــر
مدوا يديهم يا فهد وامسحونـــي

مدوا يديهم للفؤوس المناشـيــر
سموا على جذعي وبدوا يحطبونـي

يوم ان مال الجذع واصطفت العيـر
ما طاح جذعي لين طاحت غصوني

طاحت غصوني قمت أسط العصافير
ما باقي إلا صوتها في أذونـــي

طحت ولقوا صوتي شرات الدنانيـر
قاموا مع الميراث يتقاسمونـــي

اللي شكت من ريحهم نفخة الكيـر
اللي وأنا ميت عطش ما سقونـي

اللي صوانيهم ذنوب ومعاذيــر
إذا لقوني في عشاهم كلونــي

وأنا لو إني من عيال الهواميــر
ما كانت دموعي تبلل ردونــي

وأنا لو إني من عيال الهواميـــر
ما كان ريح الجوع تذبح صحونـي

وأنا لو إني من عيال الهواميـــر
ما حطت هموم البشر في متونــي

هاتي يديك شوي.. شوفيني بخيـر؟
أيوا بخير وهيبتي في حصونـــي

ساسي متين وهامتي تغري الطيـر
ريح المنايا ما تزعزع ركونـــي

وإذا لقيتي عازفين المزاميــــر
قولي لهم خلف الضيا يلحقونــي

والحين عذرا.. خلف ذيك الطوابير
حرام صار لهم عمر ينطرونــي



للشاعر فيصل الفارسي

هلا فيك حلم ..
نص واختيار جدا راقي ورائع كما تعودنا منك
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

صح لسان قائلها وسلمت يمناًك ..
يعطيك العافيه وبإنتظار جديدك ..
ألف شكر ,,,,

الشكر الجزيل للاختيار الجميل
والذائقة الرائعة
نص في غاية الروعة والجمال
دمت وسلمت

،







قصيده جميلههء ؛
كُل آلششكرْ عَ آلطرح
يعطيكِ آلله آلععآفيهً :) !

نص جدا رااااااائع عزيزتي
يعطيك ربي العافيه .. كلك ذووووق

نص جدآآ جمييل ..
يسسلمووو..

نص رائع
يسلموووو اختي ع الكلمات الراائعه ..
يعطيك العاافيه

أحب أشكر الجميع على المرور العذب لي شرفني واسعدني بلا شك
~ أسعدكم الرحمن