ياوقت مامنك قصور إيدينا حنا اللي القصار
يا وقت ما منـّك قصـور إيدينا حـنـّا اللـّي قصـار
.............عـزّاه للّي معتني مجـروح خــاطــره انكـســر
بي نار اليـابـس كـلـت واللي بقى بي من خـضـار
.............يعني أنا ما فيني شي أخـضـر سوى قلبي خـضــر
يا صــبــر بالله أسـألـك شـي(ن) على بالي ودار
.............هـو فـيـه غـيـرك به صبـر ويـّاه ماحسّ بقهـر
وش حـيـلـة اللّي للأســف ما كـان قدّامه خيـار
.............ضاعت حـلـولـه ما بقى لخـاطـره واحـد جـبـر
ما هـي على كـيـفـه ولا بيديه له كـان القــرار
.............يا حــظ من قـلـبـه خلي الجـرح ما عمره خبـر
مجـروح قلبي بي يـنـوح الحـال من جرحـه دمار
.............والـلـيـل يا هـو لي طويل تقـول ما بعـده سفـر
ما عاد لي أيـّـة وطـن والحلو أصـبـح لي مـرار
.............والمشكلة همّـي معـي نكبر سوى مـثـلـي كـبـر
وين اللـّي قلبي يسـكـنـه عمار يا قـلـبـي عمار
.............صارت عروش(ن) خاوية واللّـي مضى فيه العـبـر
ما كان مكـتـوب(ن) حـصـل ماضي لنا واقع وصار
.............يالله عسى بكرة يزين يكفـّي مـاضـيـنـا انـدمـر
الـوقــت يـامـا لـي صفـى ولا أقـول الحين دار
.............الشمس وان طـال النهـار الليل لو غـابـت حضـر
والجـو لو طــوّل صحــو من يامنه يقلب غـبـار
.............سبحـان من بعــد العجـاج برحمته نرجي المطـر
أسـتـغـفـره واتوب اليه بـصـبـح وبليل ونهـار
.............يا كـثـر ما عـبـده نسى واخطى لـربـّه ما ذكـر
