مساء الضحـــــــــــــــكة

مساء الضحكة والبسمه على ثغر القمر بسماي
مساء الغيث في صحرا أرضها دوم عطشانه

مساءٍ فاض باحساسي .. وآلامي وهمّ شقاي
مساءٍ تاه بوجودك .. وتاه بدرب تبانه

حضورك توّج الفرحه .. وسام فبسمتي وبكاي
وأبهج خافق الخاطر .. ولوّع حاسد ألحانه

يقولون القمر غيّب .. خجولٍ شافك بيمناي
وطاحت هالنجوم اللي .. بدونك مالهن خانه

ضعت بكوكبك مسرى..وضيّع كوكبي مسراي
تخيل كنْ نظام الكون .. فعيني اختل ميزانه

يخالط صبحي الممسا ويصبح قطرةٍ بدماي
وتغرق في شراييني ..وتروي ورود ظميانه

حفظتك في ثنايا الوجد .. حفظتك كلمةٍ بشفاي
حفظتك مثل حفظ البحر للمحار والدانه

مسا الأشواق تاخذني .. من أول خطوتي لأقصاي
مسا لو وزّعه نورك .. يسد الكون باوطانه

الله عليك يا مبدعه
نص واختيار جدا جميل وراق لي كثيرا
لا خلا ولا عدم روعة اختيارك ورقي ذائقتك

" نص يستحق النجوم الخمس "

هلا فيك بقايا طيف ..
لا جديد عليك هذا التميز والابداع المستمر
الف شكر لجهدك واختيارك وتفاعلك الجميل .. كلك ذوووق

اخنيار جميل بقايا طيف
يعطيك العافيه

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

http://www.htoof.com/vb/images/smilies/22.gif

السلام عليكم
الله عليك طيف أبيات رائعه جدا
سلمت الذائقه المميزه

نص رائع
يسلموووو اختي ع الكلمات الراائعه ..
يعطيك العاافيه

بقايا طيف



نص في قمة الجمال
ذااااااااائقة من الطرااااااااااااااااااز الفـــــريد


سلمت يداك المبدعة وذوقك الراقي

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته