ما يصعد روؤس الجبال الشواهيق
الا الذي بالعزم احزم وثاقه
لو هي على دربه سدود ومزاليق
داس القدم من ثقل عظمٍ بساقه
وشد اليدين بضرب صلب المطاريق
اللي تكسّر من عداها اعاقه
ما ترجع اقدامه لخلفه ولا تعيق
حلمٍ بناه بشوق قلبٍ مذاقه
صابر يصد معارضات وتواهيق
من هرج بعض مخالفين الصداقه
اللي سعوا ف الناس همٍ وتفريق
ما عاد منهم غير فعل الحماقه
من جابهم بالطيب روح على الضيق
ومن ضاقهم شدوا عليه العلاقه
سود النوايا بالصدور المغاليق
يا تعس من لبى عليهم رفاقه
لو هو حسبت حياتهم الف تدقيق
ما جاتك الا هموم حربٍ مساقه
يكفيك ترميهم كبار الصناديق
وتصك لا تسمع عليهم لباقه
واقبل على شم الخشوم المطاليق
كل واحدٍ ف الخير فاز بسباقه
ويالله يوم بعرض كل المخاليق
عبدك الى الجنه يزيد اشتياقه
ادعوك تكتب في حياتي توافيق
وتنجني من هم طول عناقه
ناصر الراشدي
