حلمٍ حلمته تالي الليل يازين
اعمى عيوني واخرج الدمع منها
وحرًك مشاعر ساكنت بي من سنين
مخفيةٍ ماتدري الناس عنها
مستجرحه تبكي على حالي الشين
ولاظنتي به حال بعدي شجنها
وتسري بهاالأوضاع مابين وضعين
وضعٍ صبور وضع ضيق وطنها
وتاخذ من الماضي على وضع ذاالحين
وتراجع هموم الزمان وحزنها
وتشوف مابه فرق ياكود فرقين
فرق الصعود ونزلته ماظمنها
والفرق الأخر منه شاف الأمريين
شاف الحزن ولا السعاده زبنها
وقلبي مشى به في مسار الحزينين
والكلمه اللي قالها مادفنها
يقول ماظني بترتاح هالعين
اللين توصل ديرةٍ هو قطنها
وترجع بي الذكرى على ليل الأثنين
ذكرى الفراق اللي به القول ينها
ذكرى وداع قلوب ناسٍ وفيين
فيهاالاسى والياس يدفع ثمنها
والطعن يبرى ولا فراق المحبين
اللي على فرقاه روحي سجنها
وانااللوم العين ياليه تبكين
قالت حبيبك مات نفسك طعنها
