قضية التفنيش التعسفي *مجرد استشارة

السلام عليكم ورحمه الله وبركاته
شحالكم عيال عمي عساككم بخير
ياجماعه انا عندي موضوع اتابعه فالمحكمه من شهر 7 اللي مضى وللحين ماخلصت منه عندي اخر جلسه بتاريخ 2/12/2015
الموضوع هو التفنيش التعسفي اللي طالع لنا هالايام القضايا وايد زايده بسبه الموضوع ..
اخواني انا تعرضت للتفنيش التعسفي من قبل المعهد اللي كنت اشتغل فيه وكان التفنيش بدون سبب
في يوم وليله جاني المدير وطلبني وقال لي يا فلانه انا احس ان انتي ماتشتغلي ..( للعلم ان انا اشغل وظيفه مدير اداري ولي وجود فالمكان ) كان لي وجود فالعمل كنت اهتم بملفات الموظفين والشهايد والاشياء الاخرى وللعلم اني كنت اشتغل حتى فالاستقبال والتسويق عشان اكون محترفه فعملي
لكن تفاجات بكلام المدير بعد ماقال لي ( احس ان انتي ماتشتغلي ) للعلم هو اردني الجنسيه وافد .. قلتله كيف ما اشتغل وهالملفات اللي قدامك كلها انا مسوتنها والشهايد والاشياء الثانيه .. قال لي انتي ماملتزمه بالحضور والانصراف .. بعد تفاجات لاني ملتزمه وعندي كذا غاب لاكن عندي عذر كانت حاله وفاه وعطيتهم الاجازه ويومين اجازه مرضيه .. واليوم الثاني بعد ماقال لي هالكلام اشوف الجماعه من المركز الرئيسي جايين يناقشوني في انهاء خدماتي .. واقنعوني على توقيع استقاله ( اونه الاستقاله افضل من التفنيش عشان مايتوسخ الملف الوظيفي ) شدراني انا بهالسوالف مشكله الواحد اللي مافاهم القانون من البدايه .. المهم بعد ما اقنعوني قالولي راح نعوضج بوظيفه ثانيه ان شاء الله انتي بس وقعي الاستقاله انا وقعت .. بعد ماوقعت وطلعت من عندهم حسيت بتانيب الضمير عرفت اللي سويته غلط واني المفروض ما اصدقهم .. رحت على طول ورفعت عليهم شكوى فالقوى العامله .. تفنيش تعسفي
[color="#ff0000"]ملاحظه :-
هم تعمدو في تاخير انشاء عقد عمل لي عشان يفنشوني قبل 3 شهور من فتره التدريب نسو اني مشتغله معهم شهر 3 وعقد العمل مالي شهر 5 ..
امم عندي اثباتات كثيره ان هم مالهم حق انهم يفنشوني ( الاعمال - العقد - الاجازات -الاعمال الاخرى اللي خارج وظيفتي ) يعني كل الاثباتات تبين ان القضيه انا كاسبتنها باذن الله

لكن في سبب واحد شاغل بالي
ومحتاجه احد يساعدني فيه ..

ان انا وقعت على الورقه اللي عطوني ياها وكانت استقاله .. لكني وقعتها لانهم اقنعوني بهالشي
الحين هل يحق لي باستلام تعويضاتي او اني راح اخسر القضيه ههه
اتمنى المساعده محتاجه شخص فاهم قانون العمل والتفنيش التعسفي عدل

وشكرا جزيل :)

السلام عليكم
الله يسر امرك
ينقل لسبلة القانونية

إدارة العامه

من خلال اللي كتبتيه حبيبتي بغض النظر عن طبيعة عقد العمل اذا كان محدد المدة او لا يوضح ان رب العمل تعسف في استعمال السلطة لان ما يمكن الفصل بدون وجد مبرر وسبب يشرع لهم التفنيش حتى مسألة الغياب دام عندك اعذار رسمية وما تجاوزتي الحد وفي الغالب اذا ثبت فعلا ان الفصل كان تعسفي القاضي يحكم بإعادة الموظف لعمله او تعويضه التعويض المناسب..

لاعلم لي اختي ربي يساعدك..
https://encrypted-tbn1.gstatic.com/i...sit_zEMLH9Z23w

ربي يساعدك....

ما عندي فكره حبوبه ..
الله يعينك فبلواك ..
ان شاء الله بتكسبي القضيه :(
مع اني غلطتك ع توقيعك للإستقاله ..
بس عسى خير ان شاء الله وربنا يفرجها بإذنه ..

السلام عليكم ورحمة الله وبركاته،،،،

أختي في موضوع الفصل التعسفي له مبررات كثيرا ونحن الان ليس بصدد الفصل التعسفي وإنما أنتي قمتي بالتوقيع على الاستقاله وبما إنك وقعتي على الاستقاله فيعتبر عقد عملك إنتهاء بالاستقالة والمحكمة لن تحكم لك بالعوده الى العمل او التعويض هذا هو الاصل.

المادة (37) من قانون العمل العماني ، وهي إخطار الطرف الآخر قبل الإنهاء في الميعاد الذي حدده القانون . ويضيف التشريع والقضاء المقارن إلى ذلك ، أن يكون الإنهاء بمبرر ، فإذا أغفل أحد الطرفين مراعاة القيدين المذكورين عند قيامه بإنهاء عقد العمل التزم بتعويض الطرف الآخر .
كما تنص المادة (106/4) ، من قانون العمل على أنه " وإذا تبين للمحكمة أن فصل العامل من عمله أو إنهاء خدمة كان تعسفا أو مخالفا للقانون فإنه يجوز لها الحكم إما بإعادة العامل إلى عمله ، أو بإلزام صاحب العمل بأن يدفع له تعويضا عادلا ... " .
فالمشرع العماني بالنصين المذكورين قد أخذ بنظرية الإنهاء التعسفي لعقد العمل وقرر حق الإنهاء لطرفي العقد ، صاحب العمل والعامل ، وإن كانت أهميته في الغالب من الأمر تقتصر على إنهاء العقد من جانب صاحب العمل , وإن كانت أهميته في الغالب من الأمر تقتصر على إنهاء العقد من جانب صاحب العمل ، حيث يفقد العامل عمله ومورد رزقه .


لاستقالة هي حق أصيل للعامل يستخدمها لإنهاء العلاقة بينه وبين صاحب العمل أو من يمثله قانوناًًً، والاستقالة يفترض ان يكون فيها رضى العامل وكما هو معروف بأن انعدام الرضا (الإكراه) مفسد لأي عقد وتصرف.
دمتم بود