تجربتي في إزالة الشعر بالليزر

معظمنا يعاني من الشعر الزائد في أماكن غير مرغوب فيها
و الشباب يعانوا من اللحية الكثيفة و يضطروا يروحوا الحلاق فالاسبوع اكثر من مره


هنا اخبركم تجربتي في إزالة الشعر بالليزر..

زرت أحد المراكز الجلدية المعروفة
عطوني ملف عبيته و عطوني استشاره مجانا

انا قبل الزيارة دخلت الإنترنت و قرأت كثير عن الليزر عشان تكون عندي معلومات كافيه عنه

و بعدين انتظرت في الاستقبال و جات أخصائية فلبينيه و خذتني لغرفة العلاج

هو لما تدخل هالمركز ما تحس انك داخل مركز طبي يعني ماشاء الله المكان جميل جدا و نظيف و التعامل جدا رائع


المهم :

أول جلسة بأمانه كانت تعور كثير بس أي شي في سبيل عدم الرجوع للصالونات مره ثانية هههه
الألم كان يخف مع كل جلسة


اللي لاحظته ان الشعر يصير خفيف جدا مع كل جلسة و الشعر ينمو ببطء و ما كل المنطقه ينمو يعني بعض المناطق


الشعر ما توقف عن النمو و لكن صرت اروح كل 6 شهور يعني فالسنة مرتين ^_^ عملت 10 جلسات لين الحين و صراحه العلاج جداً مريح


انصحكم قبل لا تروحوا أي مركز بس اقرأوا عن الليزر عشان تكونوا على قدر كافي من المعلومات و تعرف شو السؤال اللي لازم تطرحه او الشي اللي متخوف منه!