. يلعن ابو جد الهوى .. لا غدر فيك
لا صار نبض احساس قلبك .. يخونك .
. لا صارت الدمعه .. تهز بْمآآقيك
تضحك على خدك .. بنغمة جنونك .
. لا صار قلبك ينطعن .. من محانيك
ترقص شظايا غيرته .. يعجبونك .
. لا صارت ايدينك تحاكي مواطيك
تسأل جنون الأرض تمشي بهونك .
. هو الزمن .. والاٌ غبائي يجاريك..؟
هو الغلا .. والا بقايا طعونك ..؟ .
. هو صادق احساسي بقمة مباديك ؟
أو خان بي قلبي .. بقولة ياعونك ؟ .
. ثقه .. هبال..جنون ..أو هو عشق فيك
سلطت رجل قاسي .. بنظرة عيونك .
. سلٌمْت لك قلبي .. براحة أياديك
نبضه .. ونزفه .. مع عروقه يبونك .
. ياللأسف .. كرامتي ماحكت فيك ..
لمٌت شتات العزْ .. من دون دونك .
. عجزت احاكي هقوتي فيك .. واشكيك
وارمي همومي .. فوق هامة ظنونك .
. صدقتْ لك واخْلصت .. ياقلب وش فيك
تنكر وفاي اليوم .. تنكر شجونك ..؟ .
. لكن يجيك اليوم تعرف (( غنج )) ذيك
( بنت الشمال ) . الصادقة ما تخونك .
