"نسيتنـي وأنـت مافارقـت شريانـي"
نسيتنـي وأنـت مافارقـت شريانـي
وأصبحت منك وفيك بصمت منسيـه!
أهديتنـي غربتـي والقلـب وحدانـي
من قبل أعرفك وأنـا بالضيـق مبليـه
أدري كذبت ولويـت بذكـرك لسانـي
ولاحدٍ سألنـي عليـك أقـول موليـه!
حاولت اضلل عليـك بزيـف نسيانـي
وأناأدري إن شمس حبك في الحشاحيه!
ولاأشتد عصف الجروح يكسّرأغصاني
أصدها وأنكسـر قبـل أرفـع إيديـه!
أغص فيني!!وأناأشرب لجلك أحزانـي
وأقول بكره لوجهـك والفـرح جيـه!
علمتنـي لاضوانـي ليـل حرمانـي
أذبح قرابين صبـري وأحسـن النيـه!
علمتني كيف ماانسـى يـوم تنسانـي
وكيف أطردغيـوم صيـف مالهافيـه!
علمتني لادعانـي الشـوق وأشقانـي
أحط موسه بصـدري وأتبعـه كيـه!
علمتني ليـن جرحـي منـك أغنانـي
مهمـا تعاظـم علـي أقـول ياحيـه!
علمتنـي كيـف ابررفيـك خـذلانـي
وأقبّـل تـراب حلـم عنـه منفـيـه!
