ماداني اللي حبهم ماله الساس ..
مادانـي اللـي حبهـم مـا لـه الـسـاس
مـثـل الــذي قـيــل بـغـيـم السـحـابـي
مثل الـذي مـا لـه دخـل بنـك الافـلاس
بـعــد المـكـاسـب راح مـالــه ذهـابــي
والحـب مـا يعطـى ضعيفـيـن الانـفـاس
الـلــي محـبـتـهـم غــديــر الـسـرابــي
ترى الوفـا يانـاس مـع نـاس عـن نـاس
مــــا يمـلـكـونـه مخـلـفـيـن الـجـوابــي
راع الوفـا موصـوف فـي رفعـت الــرأس
مـاهـو مــن الـلـي مدبحـيـن الـعـلابـي
راع الـوفــا يـفــوز فـــي كـــل نـومــاس
والـخـرب مــا عـمـره يـصـيـد العـقـابـي
والصـقـر صـقــر لـــو يـقـولـون قـرنــاس
والصـقـر مــا يـرجـع بسـاسـه غـرابــي
والصقـر يلنـه طـار مـن فـوق الاطعـاس
صـيـده مــن الـجـزلات روس الهضـابـي
والسيف ما يرجع بساسـه مـع الفـاس
والسيـف مـن فــولاذ سـاسـه يجـابـي
والسيف سيف وسمي السيف عباس
ولاينـقـضـب الـسـيــف دون الـنـصـابـي
والـحـرحـر أحـــر مــــن دم الاضــــراس
وافــا الخصـايـل مــن شبـابـه وشـابـي
والعفـن عـفـن صحبـتـه تـوجـع الــراس
يـتـرك لـزومـه يـــا عـــرب مـــا يـهـابـي
مـافـيـه لاقـدحــه والاجـــاب مـقـبــاس
ثـرثــار مـــا بـيــن المـجـالـس يـبـابــي
عليـك بالطيـب تــرى الـعـرق دســاس
عـلـمـه ثـمـيـن كـــل فـعـلـه صــوابــي
يهرف هريف الذيـب إذا حـس الأونـاس
مـكــرم ضـيـوفــه بـالـلـيـال الـصـعـابـي
الذيب مـا تلعـب علـى راسـه أبسـاس
وان لعـبـت الأبـسـاس راســه خـرابـي
الذيـب ذيـب وعــادة الـذيـب حـسـاس
عـــارف مـداريــج الـخـطــا والـصـوابــي
بعض العرب مسكيـن والعقـل منحـاس
خـابــت عـلـيـه ام الـثـمــان الـعـذابــي
بعض العرب يأكـل علـى كـل الاضـراسي
نهـش كمـا ينهـش مـن العظـم دابـي
بعـض العـرب عـن لازمـه صـاده نـعـاس
عـــن لازمـــه قـفــاء كـبـيــر الـعـلابــي
بعـض العـرب يستاهـل الفـوز بالـكـاس
فـي موقفـه مـا جـود مــا قـيـل غـابـي
بعض العـرب وافـي علـى كـل مقيـاس
عاش الشباب اللي على الجود شابي
أقــولــها لــلـي كـسـب كــل نــومــاس
مـا عـاش فــي بـيـت الــرخــم والزلابي
وصـــلااة ربـي عـــد مــاخــط قـــرطــاس
عــلـى نـــبـي الله صــــدوق الـجــوابـي
