*قسم بالله احس ان الحزن فيني يهز جبال ..!
بدت اول خطاوي رحلة الفرقا وانا الرحال
............................... واشوف ان الانين اللي نطرني .. تضحك دروبه
حكى صمتي على سمع الشوارع ضيقتي بالبال
.............................. وعطف قلب الرصيف ولادريت الا وانا صوبه
ابي من يحتضن عمر ٍ رشف من دنيته غربال
.................................... تمنى والاماني .. لاتمنى .. جات معطوبه
آيا صدر الورق خل الشعور بداخلك يختال
.................................. يجوز تشيل من ثوب الوجع .. ماتخفي جيوبه
ابصب الحبر / دمعي واقهوى هالسطر فنجال
......................................... مدام النار لدلال الهموم اليوم مشبوبه
انا ماعاد بي حيل ومشاويري تهد الحال
.........................................انا قطعة سواد الحظ وكل حي ٍ ومكتوبه
انا تلفحني سموم الضياع ولالقيت ظلال
.................................. انا الظامي شروق الحلم انا الرويان لغروبه
قسم بالله احس ان الحزنفيني يهز جبال
.................................... ياليت اول تفاصيل الغرام وطيشنا اكذوبه
مافيه اقسى من انه ينقهر في هالزمن رجال
........................................ عقب ماهو قهر جد السنين وعلمّ التوبه
