كل القصايد من جمالك تهابك
لاجيت ابكتب عن جمالك .. تراجعت
كل القصايد من جمالك .. تهابك
كنك شبيه الشمس من نظرتك ضعت
حتى القمر من نور وجهك .. سرابك
يطيح حرفي دون وصفك لو ابدعـت
ماياصل إحدود الثـرى فـي ترابـك
فرضت حسنك للملا حيـل واقنعـت
سبحـان رب ٍ صـوّرك واعتنابـك
شف منزلك .. بين الحنايا تربعـت
لامايليق بغير .. حضـرت جنابـك
انت الوحيد اللي له القلب طوّعـت
منك إستاذ الجرح .. حتـى ا عذبـك
متّ بغرورك كيف .. لامن تواضعت
احس كن الكـون .. قـام وزهابـك
قربك حياتي يا فدى روح من طعـت
فيك ابتدا معنى الغـلا .. وانتهابـك
حبك ملكني ليـن همـت وتولعـت
وش باقي اكثر .. من خفوق ٍ غدابك
إليا فقدتك ضاقت الحـال وارتعـت
لحظات موتي لو تصور .. غيابـك
عن حب غيرك كل الابواب .. شمعت
مافيه باب ٍ بالهوى غيـر .. بابـك
ومدام كل اشعور فيني لك اخضعـت
ماهي غريبه .. لو حروفي تهابـك
