بنت البدو هزت سمايا بنظرة

مجرد محاولة لا أكثررر ،، حبيت اشارك اخواني بهالأبيات الخفيفةةة
ما هي إلا بداية لكتابة الشعر

بنت البدو هزت سمايا بنظره
يا كيف لو شافت بدلها عيوني

لو جات بسمة كان سلطان مره
يمكن بغمرة دام زادت ظنوني

بالجامعة صدفة لقئ مات حره
عقلي نسئ منهو انا ذكروني

ونه بصدري من سواياه خطرة
يا ناس مدري هل ظنوني تخوني؟

خانت وصارت في هواها بحسره
قولو خبر وينه غروري عطوني

اشهد غوتني يوم مالت ببطره
كن الحسن من جدها طار كوني

فيها شذئ اشعل كياني بعطره
هل بيتها باريس يا ناس عوني

عودٍ يميلي بالهوئ طاب خصره
تعرف رجوله بالمشي ذا جنوني

لا بوك من لمعة شفاياه عذره
تضحك وانا ذايب معاها نسوني

قد البدر وجهه حلا فيه سحره
من شفت كحله قلت وش ذي العيوني ؟

فيها بيوتي اختصر جات فكره
ما قلت لو قولي غَنا بالفنوني

ياليت من دمي هَله لو بقطره
محدن خذاها من يديني وكوني

بالمختصر سلطان من ذاق وطره
هذا سلامي علكم تذكروني


"mo7ared_e7sas"

لي الشرف أن أكون أول من يرد عليك أيها الشاعر المتيم الولهان
عود يميلي الهوى طآب خصره
تعرف رجولة بالمشي ذا جنوني
ما عليك زود مواريد عاد اسمك غلج

بدايه جميله بلا شك في حوزتك المزيد لنطلع عليه
بارك الله فيك ،، تقبل ضي والمرور

هلا فيك مجرد احساس ..
بدايه جميله وبلاشك القادم اجمل
الف شكر لإبداعك وتفاعلك الجميل
طابت لياليك ..

مجرد إحساس

احساسك الشعري هنا راااائع بالفعل
كثر الكتابة والمحاولات بلا. شك تجعلك تتربع في سماء الشعر

أرجو لك كل التوفيق

الي الامام ايها الشاعر الجميل ،،

بداية جدا موفقة ،،

اخوك حرف ،،

اشهد غوتني يوم مالت ببطره
كن الحسن من جدها طار كوني

فيها شذئ اشعل كياني بعطره
هل بيتها باريس يا ناس عوني !


الله الله الله ؛
قصيده جميله أخي ؛
يعطيك العآفيه ؛ بنتظآر جديدككء :)'

مرحبا بك بكتاب الشعر


وبداية جميلة جدا تشاركنا بها


إحساس وإتقان

كل التحايا لك. . .