الغايب .. اللي في ضلوعي ... بقاياه
للماضي..التحنان .. للغايب : اش جاه !!
..............اللي صباح الورد .... من تحْت سوره!!
الغايــب .. اللي كـل ماقلت ... : بنْساااه
..............تعكس وجيه الناس له .. الفِ صوره!!
اتنفس غيابه .. وتخنقني .. اشياه !!
...........وتنحت ضلوعي ..في ضلوعي .. سْطوره!!
احساسي انه شيّ .. ماراح ... القاه
.............يجبرني احضن في غيابه...حضوره !!
الورد ذابل ..مثلي الورد .. يبغاااه !!
..........لجل ايش ..!! .. يحرمنا كذا .. من مروره
الدمع .. والشمع .. \ وبقايا هداياه
......... والجرح .. \والصـبح .. وتناهيد نــوره !!
الكـل من غيبَتْـهِ .. يتْــشَرّب .. الآه
..........ايلين تنبـت ( آهاته) .. في شعوره !!
والشارع .. اللي ترتسم ..فيه ذكراه
........ماعاد فيه .. (اطفال) ... تلعب .. بكوره!!
والمنزل اللي احتضَنْه ... بزواياه !!
......... حتى فـ شهر (تمّوزِ) .. ماصرت.. آزوره!!
الغايب .. اللي في ضلوعي ... بقاياه
........وفي يدي .. آشم ريحة ..... (ديوره )!!
ماعاد باقي عمْر .. يسـتاهل احياه
............لأن عمري .. يبتدي .. من حضوره!
