ان نصيت اخوان شما وقفوآ لي
ماني بمغرور يا راعي المقاله
لا تحكم بوجهي وعرضي وطولي
قلت وش دراك! قلت فلان قاله
اشهد ان خيله.. مهي تسبق خيولي
واحد ما تعرفه وتجلس قباله!!
لا تعذرب به .. ولا تصبح فضولي
ان جهلت الشيء ،، وش لك في جداله
الا كنه مضيق جوفك .. وصولي
روحي بي .. يا الهجوس بكل حاله
وفوق درب الصعب خبي يا ذلولي
ما خذيت من القصيد الا زلاله
وما تعبت الا على الدور البطولي
من طلبتي .. تـم .. والحاجه فدا له
ومن زهم يزهل حموله في حمولي
وان بغيت اغيب .. لي مركز وهاله
وان نصيت اخوان شما وقفوآ لي
الرجل ماهــوب في رزة عقاله
الرجل بالعزم والفعل الرجولي
لي قبولي في عيون اهل النباله
وانت عندك ما يشرفني قبولي
