ﺍﻟﺴﻼﻡ ﻋﻠﻴﻜﻢ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ
::::::::::::::::::::::::::::::::::::::::::
ﻣﺴﺎﺋﻜﻢ // ﺻﺒﺄﺣﻜﻢ
ﻣﺴﺮﺁﺍﺕ ﻭﺭﺿﺎ ﻭﺭﺣﻤﻪ 💜💜
💜💜💜💜💜💜💜💜💜💜💜💜💜💜💜💜💜💜💜💜💜💜💜💜
..................ﺻَﺮﻳﺤَﻪ ﺻَﻔﺤِﺘﻲ ﻫﺬﻱ ﻭﺑﺨﻠِّﻴﻬﺎ ﺑﺪُﻭﻥ ﺍﺣﺠَﺎﺏ
..................... ﺑَﺴﻮﻟِﻒ ﻟﻠﻤَﻼ .. ﻭﺍﻟﻠِّﻲ ﻋﻠﻰ ﻗﻠﺒﻲ ﻋﻠﻰ ﻟﺴﺎﻧﻲ
ﺑَﻌَﻠِّﻢ ﻏِﻴﺮﻱ ﻭﺵ ﻓِﻴﻨﻲ ﻣِﻦ ﻫﻤُﻮﻡ ﻭﺷِﻘﻰ ﻭﻋﺘﺎﺏ
..................... ﻭﻋﻠﻰ ﻓِﻜﺮَﻩ ﺗﺮﻯ ﻗﻠﺒﻲ(ﺣﻘﻴﺒﻪ) ﻛﻠَّﻬﺎ ﺃﺣﺰﺍﻧﻲ
ﺃﺑﺬﻛِﺮ .. ﻛِﻞ ﻣﺎ ﺃﺫﻛِﺮ ﻣَﺪﺍﻡ ﺇﻥ ﺍﻟﺰﻣَﻦ ﻳﻨﻌﺎﺏ
..................... ﺃﺑﻐﺮﻕ .. ﻭﺃﺷﻌِﻞ ﻇﻨُﻮﻧﻲ ﻣَﺪﺍﻡ ﺇﻥ ﺍﻟﻌُﻤﺮ ﻓﺎﻧﻲ
ﺑﺮﺳِّﻲ ﻣِﻦ ﺑُﻘﻰ ﻓﻴﻬُﻢ ﻭﻋَﺴَﺎﻫﺎ ﺗِﺴﻠَﻢ ﺍﻷﺭﻗﺎﺏ
..................... ﻭﺃﺑﻠﻔِﻆ ﺁﺧﺮ ﺃﻧﻔﺎﺳِﻲ ﻋﺸﺎﻥ ﺍﻟﻘﺎﺻِﻲ ﻭﺍﻟﺪﺍﻧﻲ
ﺗﺮﻯ ﻣﺎ ﻛِﻞ ﻣِﻦ ﻗﺮَّﺏ ﻗِﺮﻳﺐٍ .. ﻭﺍﻟﻐِﻴﺎﺏ ﻏﻴﺎﺏ
..................... ﻭﻻ ﻛِﻞ ﺷَﺨﺺ ﻳِﻀﺤَﻚ ﻟِﻲ ﺃﻋِﺪِّﻩ ﻣِﺜﻞ ﺇﺧﻮﺍﻧﻲ
ﺃﻫﺎﺏ ﺍﻟﻤُﻮﺕ ﻓﻲ ﻟﺤﻈﻪ ﻭﻟﺤﻈﻪ ﺍﻟﻤُﻮﺕ ﻣِﻨِّﻲ ﻳﻬﺎﺏ
..................... ﺃﻭﺍﺳﻲ ﻧﻔﺴﻲ ﺑﻨﻔﺴﻲ ﻭﺃﻛُﻮﻥ ﺍﻟﻤَﺠﻨﻲ ﺍﻟﺠﺎﻧﻲ
ﺃﻧﺎ ﻣﺎ ﺃﻛﺘِﺐ ﺷﻌﻮﺭﻱ ﻋَﺸﺎﻥ ﺃﻟﻘﻰ ﺻَﺪَﻯ ﻭﺇﻋﺠﺎﺏ
..................... ﺃﻧﺎ ﺃﻛﺘِﺐ .. ﻟَﺠِﻞ ﺃﺭﺿِﻲ ﺟُﺮﻭﺣﻲ ﻭﺿِﻴﻖ ﻛِﺘﻤﺎﻧﻲ
ﻭﺇﺫﺍ ﻗﻠﺒﻲ ﻏﺪﺍ ﺷﺎﻳﺐ ﻣﻦ ﻫﻤﻮﻣﻪ ﺑَﻌﺪﻧﻲ ﺷﺎﺏ
..................... ﻭﻋُﻤﺮﻱ ﺗﻮَّﻩ ﺻِﻐﻴِّﺮ ... ﻭﻗُﻮﻳَﻪ ﺣِﻴـﻞ ﺃﻣﺘﺎﻧﻲ
ﺃﺑﺪ ﻣﺎ ﻛِﻨﺖ ﻣِﺘﺼَﻮِّﺭ ﺗِﺠﻴﻨﻲ ﻧﺸﻮﺓ ﺍﻷﺣﺒﺎﺏ*
..................... ﻷﻧﻲ ﻣﺎ ﻋﺮﻓﺖ [ ﺍﻟﺤُﺐ ] .. ﺇﻻَّ ﻳُﻮﻡ ﻧﺎﺩﺍﻧﻲ
ﻭﻗﺒﻞ ﻻ ﺃﻗﻮﻝ ﻛِﻠﻤﺎﺗﻲ ﻭﺃﻭﺩِّﻳﻨﻲ ﻋﻠﻰ ﺍﻟﻤﺤﺮﺍﺏ
..................... ﺃﺑﺪﻓِﻦ ﺩَﻓﺘِﺮﻱ ﺑﺈﻳﺪﻱ .. ﻣَﺪﺍﻡ ﺍﻟﻮَﻗﺖ ﺣﺪَّﺍﻧﻲ
ﺇﺫﺍ ﺷﻤﺲ ﺍﻟﻠِّﻘﺎ ﻏﺎﺑﺖ ﻭﺗﻔﺎﺭﻗﻨﺎ ﺑﺪُﻭﻥ ﺃﺳﺒﺎﺏ
..................... ﺑﺘﺬﻛﺮﻧﻲ ﻣَﻊ ﺍﻷﻳﺎﻡ ؟ .. ﻭﺇﻻَّ ﻋﺎﺩﻱ ﺗﻨﺴﺎﻧﻲ
ﺳﺆﺍﻝ ﻳﺪُﻭﺭ ﻓﻲ ﺑﺎﻟﻲ ﺣﺒﻴﺒﻲ ﻭﺍﻟﻈﻨﻮﻥ ﺇﻗﺮﺍﺏ
..................... ﺃﻧﺎ ﺇﻥ ﺭِﺣﺖ ﻋَﻦ ﺩﺭﺑﻲ ﻳﺎ ﻏﺎﻟﻲ ﻭﻳﻦ ﺃﻟﻘﺎﻧﻲ ؟
ﻭﺇﺫﺍ ﻛﺎﻥ ﺍﻟﻮﺻِﻞْ ﺻَﺎﺩِﻕ ﺗﺮﻯ ﺑُﻌﺪﻙ ﻋَﻠﻲ ﻛﺬﺍﺏ
..................... ﺃﻓﻜِّﺮ ﻓِﻴﻚ ﻭﻓﻲ ﺣَﺎﻟﻲ ﺣﻘﻴﻘﻪ ﺍﻟﺤُﺐ ﺃﻋْﻤَﺎﻧﻲ
ﺧﺬﺍﻧﻲ ﻣِﻨْﻚ ﻭﺳﻮﺍﺱٍ ﻓِﺘَﺢ ﻟﻸﺳﺌِﻠﻪ .. ﺃﺑﻮﺍﺏ
..................... ﻳﺨﻠِّﻴﻨﻲ ﺃﺷِﻚ ﺇﻧِّﻚ ﺗِﺤِﺐ ﻟِﻚ ﻭﺍﺣِﺪ(ﻥ) ﺛﺎﻧﻲ !!
ﻳﺎ ﺧُﻮﻓِﻲ ﺍﻟﺤَﻆ ﻣَﺎ ﻳَﺼﺪِﻕ ﻣَﻌَﺎﻱ ﻭﻧِﻨﺘِﻬﻲ ﺃﻏﺮﺍﺏ
..................... ﻷﻧﻲ ﻛِﻞ ﻣﺎ ﺃﺣْﻠِﻢ ﺃﺷﻮﻑ .. ﺍﻟﻮَﻗﺖ ﺻﺤَّﺎﻧﻲ
ﺣﺒﻴﺒﻲ .. ﻻ ﺗِﻄﻤِّﻨﻲ ﻭﺗِﺸﻘِﻖ ﻣِﻦ ﻏﻼﻱ ﺛِﻴﺎﺏ
..................... ﺃﺑَﺴﻜِﻦ ﺩُﻭﻡ ﻓﻲ ﺑﺎﻟِﻚ ﻭ ﺃﺑﻴﻚ ﺗِﻜُﻮﻥ ﻋﻨﻮﺍﻧﻲ
ﻣَﺪﺍﻡ ﺇﻧِّﻲ ﻟَﺠِﻞ ﻋِﻴﻨِﻚ ﺯَﻋَﻞ ﻣِﻨِّﻲ ﻛِﺜﻴﺮ ﺃﺻﺤﺎﺏ
..................... ﺗﺮﻯ ﻻﺯﻡ ﻟَﺠﻞ ﻋِﻴﻨﻲ .. ﺗِﻌَﻮِّﺽ ﻛِﻞ ﺣﺮﻣﺎﻧﻲ
ﻧﻮﻳﺖ ﺃﻛﺘِﺐ ﺷِﻌِﺮ ﻋَﻨِّﻚ ﻣَﺪﺍﻣِﻚ ﻟﻠﺸِﻌِﺮ ﻃﻼﺏ
..................... ﻋﺴﻰ ﻳﻌﺠِﺒﻚ ﻣﺎ ﺑﺎﻗﻲ ﻣِﻦ ﺣُﺮﻭﻓﻲ ﻭﺃﻟﻮﺍﻧﻲ
ﺃﻏﻤِّﺾ ﻋِﻴﻨﻲ ﻭﺃﻛﺘِﺒﻠِﻚ ﻭﺃﻓﺘﺤﻬَﺎ ﺃﻻﻗﻲ ﻛﺘﺎﺏ !
..................... ﺷﻌﻮﺭﻱ ﺇﻧﺼﺪﻡ ﻣﻨِّﻲ .. ﻭﺃﺛﺎﺭﻱ ﻫﺬﺍ ﺩﻳﻮﺍﻧﻲ
ﺩﻣﺘﻢ ﺑﺄﺃﻓﻀﻞ ﻣﻤﺎﺍﺍ ﻛﻨﺘﻢ
ﺗﻘﺒﻠﻮ ﻣﻨﻲ ﻓﺎﺋﻖ ﺍﻻﺣﺘﺮﺍﻡ ﻭﺍﻟﺘﻘﺪﻳﺮ
ﺗﺤﻴﺎﺍﺍﺗﻲ
♡ﺩﺍﻧﺔ ﺍﻟﻤﻨﺪﻭﺱ ♡
