~~
صدمه تجيك من ابعد الناس تجرحك
يمكن تعـــــديها بحـــــــسبه ثــــواني
لكن لا جتك من اقرب الناس تذبحك
عشان تنــــــساها تـــــبي عمر ثاني
يا قلب انا كم لي اعاتبك وانصحك
واقول لك يا قلب وانـــت تعصاني
اتعب على الي كل ما جيت يفرحك
لا تضيع ايامك تــــرى العمر فاني
الي يبي يخسرك مـــا راح يربحك
والي يبي يربحك لجــلك يعـــــاني
والي يبي يسترك ما راح يفضـحك
يفضحك من يرضى عليك الهواني
والي يبي يشتمك ما راح يمدحك
حتى لو انك مجني تصير جـاني
والي يبي قربك لو ابعدت يسبحك
حتى لو انك بحر مابـــــك مواني
والي يبي بعدك لو يدل مطرحك
ما جاك لو كنتـــم قراب المباني
اتعب على عيون اليا جيت تلمحك
تلمح بنظــــــراتها لقــدرك معاني
يا قلبي ريحني على شان اريحك
بيت الصــحيح ولا بيوت الاماني
